മഷ്റൂം പുലാവ്, എളുപ്പത്തിൽ തയാറാക്കാം

വിശേഷ ദിവസങ്ങളിൽ എളുപ്പത്തിൽ തയാറാക്കാം നല്ല സ്വാദുള്ളൊരു വെജ് സ്പെഷൽ വിഭവം.

ചേരുവകൾ

1. ബസ്മതി അരി- 425 മില്ലി, നീളമുള്ളത്

2. മഷ്റൂം- 150 ഗ്രാം

3. എണ്ണ- മൂന്നു വലിയ സ്പൂൺ

4. സവാള- 50 ഗ്രാം, കനം കുറച്ചരിഞ്ഞത്

വെളുത്തുള്ളി- ഒരല്ലി, അരിഞ്ഞത്

5. ഇഞ്ചി അരിഞ്ഞത്- അര ചെറിയ സ്പൂൺ

ഗരംമസാലപ്പൊടി- കാൽ ചെറിയ സ്പൂൺ

ഉപ്പ് - പാകത്തിന്

 പാകം െചയ്യുന്ന വിധം

∙ അരി കഴുകി വൃത്തിയാക്കി നാലു കപ്പ് വെള്ളത്തിൽ അര മണിക്കൂർ കുതിർത്ത ശേഷം ഊറ്റി വയ്ക്കുക.

∙ മഷ്റൂം നന്നായി തുടച്ച ശേഷം കട്ടിയുള്ള സ്ലൈസുകളായി മുറിച്ചു വയ്ക്കണം.

∙ എണ്ണ ചൂടാക്കി സവാളയും വെളുത്തുള്ളിയും ചേർത്തു വഴറ്റുക. സവാളയുടെയും വെളുത്തുള്ളിയുടെയും അരിക് ബ്രൗൺ നിറമായിത്തുടങ്ങുമ്പോൾ മഷ്റൂം ചേർത്തു രണ്ട് മിനിറ്റ് വഴറ്റുക.

∙ ഇതിലേക്ക് ഊറ്റിവച്ചിരിക്കുന്ന അരിയും അഞ്ചാമത്തെ ചേരുവയും ചേർത്തു ചെറുതീയിൽ രണ്ടു മിനിറ്റ് വഴറ്റുക.

∙ ഇതിൽ രണ്ടു കപ്പ് വെള്ളവും ചേർത്തിളക്കുക. തിളയ്ക്കുമ്പോൾ പാത്രം മുറുകെ അടച്ച്, 25 മിനിറ്റ് വേവിക്കുക.

∙ അഞ്ച് മിനിറ്റ് കൂടി അടച്ചു വച്ച ശേഷം ചൂടോടെ വിളമ്പാം.