മിന്നലേറ്റ് 2 പേർക്ക് പരുക്ക്; വീടുകൾക്ക് കേടുപാട്

മട്ടന്നൂർ∙ കൊടോളിപ്രം പുൽപ്പക്കരിയിൽ മിന്നലേറ്റ് 2 പേർക്ക് പരുക്കേറ്റു.  കെ.മുരളീധരന്റെ വീട്ടിലാണ് മിന്നലേറ്റത്. മുരളീധരന്റെ ഭാര്യ പി.ജിഷ, മകൻ ധ്യാൻകൃഷ്ണ എന്നിവർക്ക് പരുക്കേറ്റു. ഇവരെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇവരുടെ വീടിനു നാശനഷ്ടമുണ്ടായി.

മരുതായിയിലെ കെ.വത്സന്റെ വീടിന്റെ ചുമർ മിന്നലേറ്റ് പിളർന്നു. മട്ടന്നൂർ മേഖലയിൽ കനത്ത മഴയിലും കാറ്റിലും വൈദ്യുതി ലൈനിൽ മരക്കൊമ്പുകൾ പൊട്ടിവീണ് പലയിടത്തും വൈദ്യുതി നിലച്ചു.