പുനലൂരിൽ വീടുകളിലേക്ക് ഹൈ വോൾട്ടേജ് വൈദ്യുതി പ്രവഹിക്കുന്നതായി പരാതി

പുനലൂർ ∙ പുനലൂരിൽ നരിക്കൽ റോഡ് സെന്റ് തോമസ് സ്കൂൾ ലൈനിലെ വീടുകളിൽ ഒരാഴ്ചയായി ഹൈ വോൾട്ടേജ് വൈദ്യുതി പ്രവഹിക്കുന്നതായി പരാതി. ഇതുമൂലം വീട്ടുപകരണങ്ങൾക്കും കേടുപാടുകൾ സംഭവിക്കുന്നുണ്ട്. രണ്ട് എൽഇഡി ട്യൂബ്, ഒരു ബൾബ്, ലാപ്ടോപ് ചാർജർ അഡാപ്റ്റർ, മൊബൈൽ ചാർജർ എന്നിവയെല്ലാം കത്തിനശിച്ചു. കെഎസ്ഇബി ഓഫീസിൽ പലതവണ പരാതിപെട്ടിട്ടും പരിഹാരമാകുന്നില്ലെന്ന് നാട്ടുകാർ പറയുന്നു.