കൊല്ലം ജില്ലയിൽ ഇന്ന് (26-07-2024); അറിയാൻ, ഓർക്കാൻ
![kollam-announcement kollam-announcement](https://img-mm.manoramaonline.com/content/dam/mm/mo/topics/common/kollam-announcement.jpg?w=1120&h=583)
Mail This Article
ഇഎസ്ഐ–പിഎഫ് അദാലത്ത് 29ന് : കൊല്ലം ∙ ഇഎസ്ഐ കോർപറേഷനും ഇപിഎഫ്ഒയും സംയുക്തമായി തൊഴിലാളികൾ, തൊഴിലുടമകൾ, പെൻഷൻകാർ എന്നിവർക്കായി സംഘടിപ്പിക്കുന്ന പരാതി പരിഹാര മേളയും ബോധവൽക്കരണ സെമിനാറും 29ന് അയത്തിൽ കെഎസ്സിഡിസി ആറാം നമ്പർ ഫാക്ടറിയിൽ നടക്കും.
സ്വയംതൊഴിൽ വായ്പ
കൊല്ലം ∙ പട്ടികജാതി, പട്ടികവർഗ വികസന കോർപറേഷൻ ജില്ലാ കാര്യാലയത്തിൽ നിന്നു സർക്കാർ ഉദ്യോഗസ്ഥരുടെ ശമ്പള സർട്ടിഫിക്കറ്റിന്റെ ജാമ്യത്തിൽ പട്ടികവിഭാഗത്തിലെ തൊഴിൽരഹിതർക്കു സ്വയംതൊഴിൽ വായ്പയ്ക്ക് അപേക്ഷിക്കാം. വിവരങ്ങൾക്ക്: പട്ടികജാതി–വർഗ വികസന കോർപറേഷൻ ജില്ലാ കാര്യാലയം, ജില്ലാ പഞ്ചായത്ത് ബിൽഡിങ്, റെയിൽവേ സ്റ്റേഷൻ റോഡ്, കർബല ജംക്ഷൻ. 0474 2764440, 940006802.
സിറ്റിങ് നാളെ
കൊല്ലം∙ കർഷക തൊഴിലാളി ക്ഷേമ നിധി ബോർഡ് ജില്ലാ ഓഫിസിന്റെ നേതൃത്വത്തിൽ അംഗങ്ങളെ ചേർക്കുന്നതിനും അംശദായം സ്വീകരിക്കുന്നതിനും നാളെ പുനലൂർ മുനിസിപ്പാലിറ്റിയിൽ സിറ്റിങ് നടത്തും. അംശദായം അടയ്ക്കാൻ എത്തുന്നവർ ആധാറിന്റെ പകർപ്പു കൂടി കയ്യിൽ കരുതണം. വിവരങ്ങൾക്ക്: 9746822396, 7025491386, 0474–2766843, 2950183.
മനുഷ്യാവകാശ കമ്മിഷൻ സിറ്റിങ് ഇന്ന്
കൊല്ലം ∙ സംസ്ഥാന മനുഷ്യാവകാശ കമ്മിഷൻ അംഗം വി.കെ.ബീനാകുമാരി ഇന്ന് രാവിലെ 10.30 ന് കൊല്ലം ഗവ. ഗെസ്റ്റ് ഹൗസിൽ സിറ്റിങ് നടത്തും.
അപേക്ഷ ക്ഷണിച്ചു
കൊല്ലം∙ ഐഎച്ച്ആർഡിയുടെ കുണ്ടറ എക്സ്റ്റൻഷൻ സെന്ററിൽ ഡേറ്റ എൻട്രി ടെക്നിക്സ് ആൻഡ് ഓഫിസ് ഓട്ടോമേഷൻ (യോഗ്യത: എസ്എസ്എൽസി) കോഴ്സിലെ ഒഴിവുള്ള സീറ്റിലേക്ക് അപേക്ഷിക്കാം. 0474 2580462, 8547005090.