പ്രസവിച്ചു കിടന്ന നായയെയും രണ്ടു കുഞ്ഞുങ്ങളെയും അടിച്ചുകൊന്നു

പന്തീരാങ്കാവ്∙ പ്രസവിച്ചു കിടന്ന നായയെയും രണ്ടു കുഞ്ഞുങ്ങളെയും അടിച്ചുകൊന്ന് ചാക്കിലാക്കി. ഒളവണ്ണ കൊടിനാട്ടുമുക്കിലാണ് സംഭവം. നായയെ കൊന്ന തമിഴ്നാട് സ്വദേശികളായ മൂന്നുപേരെ പന്തീരാങ്കാവ് പൊലീസ് അറസ്റ്റ് ചെയ്തു. ക്ഷുഭിതരായ നാട്ടുകാർ 3 പേരെയും തടഞ്ഞുവച്ച് പൊലീസിൽ പരാതിപ്പെടുകയായിരുന്നു. അമ്മ നഷ്ടപ്പെട്ട ബാക്കി കുഞ്ഞുങ്ങളുടെ നില പരിതാപകരമാണ്.