തെരുവുനായ് ആക്രമണം തുടരുന്നു; 6 വയസ്സുകാരി അടക്കം 6 പേർക്ക് കടിയേറ്റു
Mail This Article
×
കുറ്റ്യാടി∙ ഇന്നലെ വൈകിട്ട് ഊരത്ത്, മാവുള്ളചാൽ, കുളങ്ങരത്താഴ ഭാഗങ്ങളിൽ വിദ്യാർഥിനി ഉൾപ്പെടെ 6 പേർക്ക് തെരുവുനായയുടെ കടിയേറ്റു. എല്ലാവരെയും കടിച്ചത് പേപ്പട്ടിയാണെന്ന സംശയത്തിലാണ് നാട്ടുകാർ. ഊരത്തെ ചെറുവിലങ്ങിൽ പപ്പൻ (65), ഭാര്യ ലീല (60) എന്നിവരെ കോഴിക്കോട് ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
കുളങ്ങരത്താഴയിൽ നായയുടെ കടിയേറ്റ കല്ലാച്ചി ഇയ്യങ്കോട് കാപ്പാരോട്ടുമ്മൽ സിജിന (34), ഊരത്ത് പുത്തൻപുരയിൽ സൗമ്യ (37), മാക്കൂൽ അഹിലാമിയ (6), വെള്ളരിചാലിൽ പോക്കർ (70) എന്നിവരെ ആദ്യം കുറ്റ്യാടി ഗവ.ആശുപത്രിയിലും തുടർന്നു വടകര ഗവ: ആശുപത്രിയിലും പ്രവേശിപ്പിച്ചു. പരിസര പ്രദേശങ്ങളിലെ വളർത്തു നായ്ക്കളെയും തെരുവുനായ കടിച്ചതായി നാട്ടുകാർ പറഞ്ഞു. കുറ്റ്യാടി ജനകീയ ദുരന്ത നിവാരണ സേന പ്രവർത്തകർ തെരുവുനായയെ തല്ലിക്കൊന്നു.
English Summary:
Panic gripped residents of Kuttiady, Kerala, after six individuals, including a young schoolgirl, fell victim to a stray dog attack. The incidents occurred in the Oorath, Mavolluchal, and Kulangaraththaazha areas, sparking fears of a rabid animal on the loose.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
