വൈദ്യുതലൈനിൽ കുരുങ്ങി തൂങ്ങിനിന്ന് മലമ്പാമ്പ്; രക്ഷപ്പെടുത്തി നാട്ടുകാർ

കരുവാരകുണ്ട് ∙ വൈദ്യുതലൈനിൽ കുരുങ്ങി തൂങ്ങിനിന്ന മലമ്പാമ്പിനെ നാട്ടുകാർ രക്ഷപ്പെടുത്തി. കൽക്കുണ്ട് മഞ്ഞളാംചോല റോഡിലാണ് മലമ്പാമ്പ് വൈദ്യുതക്കമ്പിയിൽ കുടുങ്ങിയത്. ഇന്നലെ രാവിലെ തോട്ടത്തിലേക്ക് പണിക്കു പോയ തൊഴിലാളികളാണ് പാമ്പിനെ കണ്ടത്. വൈദ്യുതക്കമ്പിയിലേക്ക് ചാഞ്ഞുനിൽക്കുന്ന മരത്തിലൂടെ കയറുമ്പോൾ കമ്പിയിലേക്ക് വീണതാണെന്നു സംശയിക്കുന്നു.