ബ്രേക്കിന് തകരാറെന്ന് സംശയം; ട്രെയിൻ പിടിച്ചിട്ട് പരിശോധന

തിരൂർ ∙ കൊച്ചുവേളി – ശ്രീഗംഗാനഗർ വീക്ക‍്‍ലി എക്സ്പ്രസിന്റെ ബ്രേക്കിങ് സംവിധാനത്തിനു തകരാറുണ്ടെന്ന സംശയത്തെത്തുടർന്നു ട്രെയിൻ തിരൂരിൽ അരമണിക്കൂറോളം പിടിച്ചിട്ടു പരിശോധന നടത്തി. ട്രെയിനിലെ ത്രീ ടിയർ എസി കോച്ചിലെ ടയറുകൾക്കിടയിൽ ബ്രേക്കിങ്  സംവിധാനത്തിൽ തകരാറുണ്ടെന്നായിരുന്നു സംശയം. ശനിയാഴ്ച രാത്രി 11.30ന് ട്രെയിൻ തിരൂരിലെത്തിയപ്പോൾ ലോക്കോ പൈലറ്റുമാരും ഗാർഡുകളും എൻജിനീയറിങ് വിഭാഗവും ചേർന്നു നടത്തിയ പരിശോധനയിൽ തകരാർ ഇല്ലെന്ന് ഉറപ്പാക്കിയതോടെ 12 മണിക്കു ശേഷം ട്രെയിൻ പുറപ്പെട്ടു. കോഴിക്കോട്ടുവച്ചും പരിശോധന നടത്തിയിരുന്നു.