ട്രെയിനിൽ നിന്നു വീണ് എഎസ്ഐ മരിച്ചു

പട്ടാമ്പി ∙ എഎസ്ഐ ട്രെയിനിൽ നിന്നു വീണു മരിച്ചു. മലപ്പുറം എംഎസ്പിയിലെ എഎസ്ഐ തിരുവനന്തപുരം പൂജപ്പുര അമ്പാടി വീട്ടിൽ കൃഷ്ണൻകുട്ടിയുടെ മകൻ കെ.ജി.ശരത് കൃഷ്ണ (38) ആണു മരിച്ചത്. ഷെ‍ാർണൂർ നിലമ്പൂർ ലൈനിൽ വല്ലപ്പുഴ സ്റ്റേഷനിൽ 23ന് രാത്രി 9.45നാണ് അപകടം. രാജ്യറാണി ട്രെയിനിൽനിന്നു കംപാർട്മെന്റ് മാറിക്കയറാൻ‌ ശ്രമിക്കവേ ട്രാക്കിലേക്കു വീഴുകയായിരുന്നത്രേ. മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്കു വിട്ടുനൽകി. നാലു ദിവസത്തെ അവധിയെടുത്തു നാട്ടിലേക്കു പോകുന്നതിനിടെയായിരുന്നു അപകടം.