മലൈക അറോറയുടെ രണ്ടാനച്ഛൻ മരിച്ച നിലയിൽ

മുംബൈ∙ ബോളിവുഡ് നടിയും മോഡലുമായ മലൈക അറോറയുടെ രണ്ടാനച്ഛൻ അനിൽ മേത്തയെ (65) ഫ്ലാറ്റിൽ നിന്നു വീണു മരിച്ച നിലയിൽ കണ്ടെത്തി. മർച്ചന്റ് നേവി മുൻ ഉദ്യോഗസ്ഥനായ അനിൽ അനാരോഗ്യത്തെ തുടർന്ന് അസ്വസ്ഥനായിരുന്നെന്നും മരണത്തിന് മുൻപ് മക്കൾ മലൈക, അമൃത എന്നിവരെ ഫോണിൽ വിളിച്ചതായും റിപ്പോർട്ടുകളുണ്ട്. ആലപ്പുഴ വാടയ്ക്കൽ പനയ്ക്കൽപുരയ്ക്കൽ കുടുംബാംഗമായ ജോയ്സ് പോളികാർപ്പാണ് ഭാര്യ. ജോയ്സിന്റെ ആദ്യഭർത്താവ് ദർശൻ അറോറയിലുള്ള മക്കളാണ് മലൈക അറോറ, അമൃത അറോറ എന്നിവർ. കജോൾ, കരീന കപൂർ, അർബാസ് ഖാൻ, അർജുൻ കപൂർ എന്നിവരുൾപ്പെടെ ഒട്ടേറെ താരങ്ങൾ വസതിയിലെത്തി.