കാറ്റിൽ മരം വീണ് കല്ലേപ്പുള്ളിയിൽ വീട് തകർന്നു; ഗൃഹനാഥൻ രക്ഷപ്പെട്ടതു തലനാരിഴയ്ക്ക്
![palakkad-tree-fall-on-top-of-sivaraj-house കല്ലേപ്പുള്ളിയിൽ ആൽമരം വീണു തകർന്ന ശിവരാജന്റെ വീട്.](https://img-mm.manoramaonline.com/content/dam/mm/mo/district-news/palakkad/images/2024/7/25/palakkad-tree-fall-on-top-of-sivaraj-house.jpg?w=1120&h=583)
Mail This Article
×
മരുതറോഡ് ∙ കാറ്റിലും മഴയിലും മരം പൊട്ടി വീണു വീട് തകർന്നു. അസുഖം ബാധിച്ചു വീടിനകത്ത് ഉറങ്ങി കിടന്നിരുന്ന ഗൃഹനാഥൻ ശബ്ദം കേട്ടു പുറത്തേക്ക് ഓടിമാറിയതിനാൽ തലനാരിഴയ്ക്ക് രക്ഷപ്പെട്ടു. കല്ലേപ്പുള്ളി കിഴക്കേവീട്ടിൽ ശിവരാജന്റെ വീടാണ് റോഡരികിലുള്ള മരം വീണു തകർന്നത്. ഇന്നലെ ഉച്ചയ്ക്ക് പന്ത്രണ്ടരയോടെയാണ് സംഭവം. വീടിന്റെ ഒരുമുറി പൂർണമായി തകർന്നു. ഇതിനുള്ളിലാണു ശിവരാജൻ കിടന്നിരുന്നത്. വീട്ടു സാമഗ്രികളും മറ്റും നശിച്ചു. പഞ്ചായത്ത് അംഗം എം.സജിത്തിന്റെ നേതൃത്വത്തിലുള്ള സംഘം സ്ഥലം സന്ദർശിച്ച് മരം മുറിച്ചു നീക്കാനും ശിവരാജനെ സുരക്ഷിതമായി മാറ്റാനും സൗകര്യമൊരുക്കി. വില്ലേജ് ഓഫിസിൽ നിന്നുള്ള ഉദ്യോഗസ്ഥരും സ്ഥലം സന്ദർശിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.