സ്കൂട്ടറിൽ ഒളിച്ച മൂർഖൻ പാമ്പിനെ പിടികൂടി വാഹനം അഴിച്ചു പാമ്പിനെ കണ്ടെത്തി
![snake വടക്കഞ്ചേരി ടൗണില് സ്കൂട്ടറിൽ കയറിയ മൂർഖന് പാമ്പിനെ പിടികൂടി കുപ്പിയിലാക്കിയപ്പോള്.](https://img-mm.manoramaonline.com/content/dam/mm/mo/district-news/palakkad/images/2024/7/27/snake.jpg?w=1120&h=583)
Mail This Article
×
വടക്കഞ്ചേരി∙ സ്കൂട്ടറിൽ ഒളിച്ച മൂർഖൻ പാമ്പിനെ പിടികൂടി. വടക്കഞ്ചേരി പൊലീസ് സ്റ്റേഷനു മുന്വശത്തുള്ള മെഡിക്കൽ സ്റ്റോറിനു മുന്പില് വച്ചിരുന്ന സ്കൂട്ടറിലാണു പാമ്പു കയറിയത്. ഇന്നലെ രാവിലെയായിരുന്നു സംഭവം. പാമ്പ് സ്കൂട്ടറിന്റെ എന്ജിനകത്തേക്കു കയറുന്നത് ഓട്ടോറിക്ഷ ഡ്രൈവർമാരും സമീപത്തെ കച്ചവടക്കാരും കണ്ടതോടെ പിടികൂടാനുള്ള ശ്രമം തുടങ്ങി.
ആദ്യം സ്കൂട്ടര് പൊലീസ് സ്റ്റേഷനില് കയറ്റി നിർത്തി. പിന്നീടു വനം വകുപ്പ് വാച്ചർ കരയങ്കാട് മുഹമ്മദാലിയെ വിവരം അറിയിച്ചു. മുഹമ്മദാലി എത്തി പരിശോധിച്ചെങ്കിലും പാമ്പിനെ കണ്ടെത്താനായില്ല. തുടര്ന്നു വർക്ഷോപ്പ് തൊഴിലാളികളെ എത്തിച്ചു വാഹനം അഴിച്ചു പരിശോധിച്ചപ്പോഴാണു ഹെഡ്ലൈറ്റ് ക്യാബിനിനകത്തു പാമ്പിനെ കണ്ടെത്തിയത്. പാമ്പിനെ പിടികൂടി വനം വകുപ്പിനു കൈമാറി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.