സ്നേഹവീടൊരുക്കി വടക്കഞ്ചേരി ചെറുപുഷ്പം വിദ്യാര്‍ഥികള്‍
Mail This Article
വടക്കഞ്ചേരി∙ സഹപാഠിക്കു സ്നേഹവീടൊരുക്കി വടക്കഞ്ചേരി ചെറുപുഷ്പം ഗേള്‍സ് ഹയര്‍ സെക്കന്‍ഡറി സ്കൂള്‍ സ്കൗട്ട്സ് ആന്‍ഡ് ഗൈഡ്സ് വിദ്യാർഥികൾ. വിദ്യാര്‍ഥികളും അധ്യാപകരും സുമനസ്സുകളും ചേര്‍ന്നാണ് ഓണ സമ്മാനമായി വീടു നിര്‍മിച്ചു നല്‍കിയത്. സ്കൂളില്‍ ബിരിയാണി ചാലഞ്ച്, ഉപജില്ലാ കലോത്സവത്തില്‍ സ്റ്റാള്‍, ക്രിസ്മസിനു കേക്ക് ഫെസ്റ്റ്, ജൂട്ട് ബാഗ് വിൽപന എന്നിവ നടത്തി ഫണ്ട് ശേഖരിച്ചു.
അധ്യാപകരും നാട്ടുകാരും വ്യാപാരികളും പൂര്‍വ വിദ്യാര്‍ഥികളും സഹായവുമായി വിദ്യാർഥികൾക്കൊപ്പം ചേർന്നു.കെ.ഡി.പ്രസേനന്‍ എംഎല്‍എ വീടിന്റെ താക്കോല്‍ കൈമാറി. നൂര്‍ മുഹമ്മദ്, ഷിനു വി. ദേവ്, പിടിഎ പ്രസിഡന്റ് രാജീവ്, റെജി കെ.മാത്യു, കെ.കെ.ജ്യോതികുമാര്‍, പി.എസ്.അന്നമ്മ, പഞ്ചായത്ത് അംഗം സി.മുത്തു, പ്രിന്‍സിപ്പല്‍ സിസ്റ്റര്‍ ആഗ്നല്‍ ഡേവിഡ്, പ്രധാനാധ്യാപിക സിസ്റ്റര്‍ ശോഭ റോസ്, ഗൈഡ് ലീഡര്‍മാരായ ഏയ്ഞ്ചല്‍ മേരി വില്‍സണ്‍, എസ്.ശ്രീലേഖ എന്നിവര്‍ പ്രസംഗിച്ചു.
