പാലക്കാട് ജില്ലയിൽ ഇന്ന് (15-09-2024); അറിയാൻ, ഓർക്കാൻ

സർവേ നടത്തുന്നു
വടകരപ്പതി ∙ പഞ്ചായത്തിലെ ശുചീകരണ തൊഴിലാളികളുടെ വിവരങ്ങൾ ശേഖരിക്കുന്നതിനും വൃത്തിഹീനമായ ശുചിമുറികളുടെ കണക്കെടുക്കുന്നതിനുമായി 18, 19 തീയതികളിൽ പഞ്ചായത്ത് ഓഫിസിൽ വച്ച് സർവേ നടത്തുന്നു. മനുഷ്യ വിസർജ്യ ശുചീകരണം തൊഴിലാളികളും വൃത്തിഹീനമായ ശുചിമുറികൾ ഉപയോഗിക്കുന്ന പഞ്ചായത്ത് നിവാസികളും സർവേയിൽ പങ്കെടുക്കേണ്ടതാണെന്ന് സെക്രട്ടറി അറിയിച്ചു.

ഗ്രന്ഥശാലാദിനം ആചരിച്ചു
കോട്ടായി ∙ അപ്പുണ്ണി ഏട്ടൻ വായനശാലയുടെ നേതൃത്വത്തിൽ ഗ്രന്ഥശാലാദിനം ആചരിച്ചു. അധ്യക്ഷ ആർ.റിൻസി പതാക ഉയർത്തി. കെ.എ.അജേഷ്, എം.കെ.വേലായുധൻ, കെ.പത്മാവതി, സ്മിത ഭരതൻ, പി.എസ്.ആതിര, കെ.രാധാകൃഷ്ണൻ എന്നിവർ പ്രസംഗിച്ചു.