ദേശീയപാത മരുതറോഡിൽ ഓടിക്കൊണ്ടിരുന്ന ലോറിക്ക് തീപിടിച്ചു

മരുതറോഡ്∙ ദേശീയപാത മരുത റോഡിൽ ഓടിക്കൊണ്ടിരിക്കെ ലോറിയുടെ കാബിനിൽ തീയും പുകയും. വാഹനം നിർത്തി തീ അണച്ച് അപകടം ഒഴിവായി. ഉച്ചയ്ക്ക്  ഒന്നേകാലോടെയാണ് അപകടം. എറണാകുളത്തു നിന്നു കോയമ്പത്തൂരിലേക്ക് നിർമാണ സാമഗ്രികൾ കയറ്റാൻ പോയ ലോറിക്കാണ് തീപിടുത്തമുണ്ടായത്ത്. വാഹനത്തിൽ നിന്ന് പുക ഉയർന്നത് കണ്ട് ഡ്രൈവർ റോഡരികിൽ വാഹനം നിർത്തി പുറത്തേക്ക് ഇറങ്ങി ഓടി. പിന്നാലെ കഞ്ചിക്കോട്  അഗ്നിരക്ഷാസേനയെത്തി തീയണച്ചു.