അയ്യങ്കാളിദിനം ആചരിച്ചു
![thrissur-iyenkali-day-celebration 1. കുന്നംകുളത്ത് ദലിത് സംരക്ഷണ സമിതിയുടെ അയ്യങ്കാളി ജന്മദിനാചരണം സംഘടന ചെയർമാൻ ടി.കെ.ബാബു ഉദ്ഘാടനം ചെയ്യുന്നു. 2. ദേശമംഗലം പല്ലൂര് സെന്ററില് സംഘടിപ്പിച്ച അയ്യങ്കാളി ദിനാചരണ പരിപാടികള് പട്ടിക ജാതി പട്ടിക വര്ഗ വികസന കോര്പറേഷന് ചെയര്മാന് യു.ആര്. പ്രദീപ് ഉദ്ഘാടനം ചെയ്യുന്നു.](https://img-mm.manoramaonline.com/content/dam/mm/mo/district-news/thrissur/images/2023/8/29/thrissur-iyenkali-day-celebration.jpg?w=1120&h=583)
Mail This Article
കുന്നംകുളം∙ ദലിത് സംരക്ഷണ സമിതിയുടെ അയ്യങ്കാളി ജന്മദിനാചരണം സംഘടന ചെയർമാൻ ടി.കെ.ബാബു ഉദ്ഘാടനം ചെയ്തു. പപ്പൻ വെൺമനാട് അധ്യക്ഷത വഹിച്ചു. വിജയൻ ചൊവ്വല്ലൂർ, എൻ.ആർ.രാമദാസ്, എ.മുഹമ്മദ് പട്ടിക്കര, എ.എൻ.കുമാരൻ, പി.കെ.മോഹനൻ, കെ.കെ.അഭിലാഷ് എന്നിവർ പ്രസംഗിച്ചു.
കുന്നംകുളം∙ ബ്ലോക്ക് കോൺഗ്രസ് കമ്മിറ്റിയുടെ അയ്യങ്കാളി ജന്മദിനാചരണം ഡിസിസി സെക്രട്ടറി ബിജോയ് ബാബു ഉദ്ഘാടനം ചെയ്തു. ഭാരതീയ ദലിത് കോൺഗ്രസ് സംസ്ഥാന വൈസ് പ്രസിഡന്റ് വാസു കോട്ടോൽ അധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡന്റ് സി.ബി.രാജീവ്, നെൽസൺ ഐപ്പ്, കെ.വി.ഗീവർ എന്നിവർ പ്രസംഗിച്ചു.
എരുമപ്പെട്ടി∙ പട്ടിക ജാതി ക്ഷേമസമിതി എരുമപ്പെട്ടി വെസ്റ്റ് ലോക്കൽ കമ്മിറ്റിയുടെ നേതൃത്വത്തിൽ മഹാത്മാ അയ്യങ്കാളി ദിനം ആചരിച്ചു. മങ്ങാട് സെന്ററിൽ പികെഎസ് സെക്രട്ടറി പി.സി. അബാൽമണി ഉദ്ഘാടനം ചെയ്തു. പ്രസിഡന്റ് എ.എൻ. സോമൻ അധ്യക്ഷയായി. നകുല പ്രമോദ്, എ.കെ.സുഭാഷ്, കെ.സി. വേലായുധൻ, സുന്ദരാക്ഷൻ തുടങ്ങിയവർ പ്രസംഗിച്ചു.
ദേശമംഗലം∙ പികെഎസ് വള്ളത്തോൾ നഗർ ഏരിയ കമ്മിറ്റിയുടെ നേതൃത്വത്തിൽ മഹാത്മാ അയ്യങ്കാളി ദിനം ആചരിച്ചു. ദേശമംഗലം പല്ലൂർ സെന്ററിൽ പട്ടിക പട്ടിക വർഗ വികസന കോര്പ്പറേഷൻ ചെയർമാൻ യു.ആർ. പ്രദീപ് അനുസ്മരണ പൊതു യോഗം ഉദ്ഘാടനം ചെയ്തു. കർഷകയായ വിജയകുമാരിയെ ആദരിച്ചു.