ക്ഷേത്രത്തിനു മുകളിൽ ആൽമരക്കൊമ്പ് പൊട്ടി വീണു
![malappuram-tree-fall-on-top-of-temple തൂവാന്നൂർ പാലത്തും ഭഗവതി ക്ഷേത്രത്തിലെ ആൽമരക്കൊമ്പ് കാറ്റിൽ ക്ഷേത്രത്തിനു മുകളിലേക്ക് പൊട്ടിവീണപ്പോൾ.](https://img-mm.manoramaonline.com/content/dam/mm/mo/district-news/thrissur/images/2024/6/28/malappuram-tree-fall-on-top-of-temple.jpg?w=1120&h=583)
Mail This Article
×
കേച്ചേരി ∙ തൂവാന്നൂർ പാലത്തും ഭഗവതി ക്ഷേത്രത്തിലെ ആൽമരക്കൊമ്പ് കാറ്റിൽ പൊട്ടി വീണു. അപകടത്തിൽ ആർക്കും പരുക്കില്ല. ക്ഷേത്രത്തിലെ ഗോപുര കവാടവും ക്ഷേത്രത്തിന്റെ മേൽക്കൂരയുടെ ഓടുകളും തകർന്നു. ഇന്നലെ പുലർച്ചെയായിരുന്നു സംഭവം. രാവിലെ ക്ഷേത്രത്തിൽ പൂജയ്ക്ക് എത്തിയ ജീവനക്കാരാണ് മരക്കൊമ്പ് പൊട്ടിവീണത് കണ്ടത്. വിവരമറിഞ്ഞ് ക്ഷേത്ര ഭരണ സമിതി പ്രസിഡന്റ് സുധീർ ചൂണ്ടൽ, ക്ഷേത്ര കമ്മിറ്റി ഭാരവാഹിയായ ദാസൻ കൈപ്പറമ്പ്, മേൽശാന്തി കാലകണ്ഠൻ വിഭീഷ് എന്നിവർ സന്ദർശിച്ചു. ക്ഷേത്രത്തിന് മുകളിൽ വീണ മരക്കൊമ്പ് പിന്നീട് വെട്ടിമാറ്റി. 50,000 രൂപയുടെ നഷ്ടം സംഭവിച്ചതായി ക്ഷേത്ര സമിതി ഭാരവാഹികൾ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.