പി.വെമ്പല്ലൂരിൽ രണ്ടിടത്ത് കഞ്ചാവ് ചെടികൾ കണ്ടെത്തി

കൊടുങ്ങല്ലൂർ∙പി. വെമ്പല്ലൂരിൽ രണ്ടിടത്ത് നിന്നു എക്സൈസ് സംഘം കഞ്ചാവുചെടി കണ്ടെത്തി. അസ്മാബി കോളജ് പരിസരം, വേക്കോട് കൂനിയാറ കോളനി വൃന്ദാവനം എന്നിവിടങ്ങളിൽ നിന്നാണ് 37 സെന്റീമീറ്റർ, 17 സെന്റീമീറ്റർ ഉയരമുള്ള കഞ്ചാവ് ചെടികൾ കണ്ടെത്തിയത്. യുവാക്കൾ രാത്രി സമയങ്ങളിൽ തമ്പടിക്കുന്നതായും ലഹരി ഉപയോഗിക്കുന്നതു ശ്രദ്ധയിൽ പെട്ടിട്ടുണ്ടെന്നും എക്സൈസ് സംഘത്തോട് സമീപവാസികൾ പറഞ്ഞു.എക്സൈസ് സർക്കിൾ ഇൻസ്പെക്ടർ വി .ബാലസുബ്രഹ്മണ്യൻ നേതൃത്വം നൽകി.