കാരാപ്പുഴ ഡാമിൽ ജലനിരപ്പ് ഉയർന്നു
Mail This Article
×
അമ്പലവയൽ ∙ ശക്തമായ മഴയിൽ കാരാപ്പുഴ ഡാമിൽ ജലനിരപ്പ് ഉയർന്നു. റിസർവോയർ പ്രദേശങ്ങളിലടക്കം മഴ തുടരുകയാണ്. സ്പിൽവേ വഴി ഒഴുകുന്ന വെള്ളവും വർധിച്ചു. സ്പിൽവേയിലെ ഒഴുക്കു വർധിച്ചതോടെ ഡാമിനു മുൻപിലെ താൽക്കാലിക പാലത്തിലും വെള്ളം കൂടി. മഴ ഇനിയും തുടർന്നാൽ പാലത്തിന് മുകളിൽ വെള്ളം കയറും. കാക്കവയൽ, അമ്പലവയൽ ഭാഗത്തേക്കു ഗതാഗത തടസ്സത്തിനും സാധ്യതയുണ്ട്. ജലനിരപ്പ് കൂടുതൽ ഉയർന്നാൽ നെല്ലാറച്ചാൽ അടക്കമുള്ള പ്രദേശങ്ങളിലെ പദ്ധതിക്കായി സ്ഥലം ഏറ്റെടുക്കാത്ത സ്വകാര്യ ഭൂമികളിലും വെള്ളം കയറും.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
