കുസാറ്റ് : 2.76 കോടി രൂപയുടെ പ്രോജക്ടിന്റെ ഭാഗമാകാൻ എൻജിനീയർമാർക്ക് അവസരം

കൊച്ചി ∙ തദ്ദേശീയ പ്രോസസറുകൾ രൂപകൽപന ചെയ്യുന്നതിനായി കൊച്ചി ശാസ്ത്ര സാങ്കേതിക സർവകലാശാലയും ഐഐടി മദ്രാസ് സ്റ്റാർട്ടപ് ഇൻകോർ സെമികണ്ടക്ടേഴ്‌സ്, പിഇഎസ് യൂണിവേഴ്‌സിറ്റി ബെംഗളൂരു എന്നിവയുമായി സഹകരിച്ചുള്ള 2.76 കോടി രൂപയുടെ പ്രോജക്ടിന്റെ ഭാഗമാകാൻ എൻജിനീയർമാർക്ക് അവസരം. 

Read Also : കേരളയിൽ 4 വർഷ ബിരുദ കോഴ്സ് ;അപേക്ഷ 11 മുതൽ

കേന്ദ്ര ഇലക്ട്രോണിക്സ് ആൻഡ് ഐടി മന്ത്രാലയത്തിന്റെ ധനസഹായത്തോടെയുള്ള ഈ പ്രോജക്ടിൽ ഇലക്ട്രോണിക്സ് എൻജിനീയറിങ്ങോ കംപ്യൂട്ടർ സയൻസ് പശ്ചാത്തലമോ ഉള്ള എൻജിനീയർമാർക്കു പ്രവർത്തിക്കാം. 

വിഎൽഎസ്‌ഐ ഡിസൈൻ ആൻഡ് വെരിഫിക്കേഷൻ, ഇഡിഎ ടൂൾസ്, കംപ്യൂട്ടർ സയൻസ് ഉപമേഖലകളായ കംബൈലർ ഡിസൈൻ, സി++ പ്രോഗ്രാമിങ് തുടങ്ങിയ ഇലക്ട്രോണിക്സ് ഉപമേഖലകളിൽ ബിരുദ, ബിരുദാനന്തര ബിരുദമുള്ളവർക്ക് അപേക്ഷിക്കാം. പിഎച്ച്ഡി യോഗ്യതയുള്ളവർക്ക് അതത് വകുപ്പുകളിൽ പിഎച്ച്ഡിക്കു റജിസ്റ്റർ ചെയ്യാം. ബയോഡേറ്റ 15ന് അകം അയയ്ക്കണം. വിലാസം: c2s.cusat@gmail.com. വിശദാംശങ്ങൾക്ക്: https://www.cusat.ac.in/files/events/events_972_doenotice.pdf .

Content Summary : Government-funded project seeks talented engineers to shape the future of technology