ബോൾട്ടൻ മലയാളി അസോസിയേഷൻ ഓണഘോഷം 21ന്; മുഖ്യാതിഥിയായി ലക്ഷ്മി നക്ഷത്ര

ബോൾട്ടൻ ∙ ബോൾട്ടൻ മലയാളി അസോസിയേഷന്‍റെ (ബി എം എ)  ഈ വർഷത്തെ ഓണഘോഷ പരിപാടി സെപ്റ്റംബർ 21 ന് . പ്രശസ്ത അവതാരക ലക്ഷ്മി നക്ഷത്ര പരിപാടിയിൽ മുഖ്യാതിഥി ആയി പങ്കെടുക്കും.

ബോൾട്ടനിലെ ഇന്ത്യൻസ് സ്പോർട്സ് ക്ലബ്‌ ഹാളിൽ രാവിലെ 10 മണി മുതൽ വൈകുന്നേരം 5 മണി വരെയാണ് പരിപാടി.  രാവിലെ 10 മണിയോടെ ആരംഭിക്കുന്ന ഓണാഘോഷങ്ങളിൽ കൂട്ടായ്മയിലെ കലാകാരന്മാർ അവതരിപ്പിക്കുന്ന വൈവിധ്യമാർന്ന കലാവിരുന്നുകൾ, തിരുവാതിര, ബി എം എ നൃത്ത ക്ലാസിലെ കുട്ടികളുടെ അരങ്ങേറ്റം, നിരവധി കലാ - കായിക മത്സരങ്ങൾ എന്നിവ ഒരുക്കിയിട്ടുണ്ട്.  വടംവലി മത്സരങ്ങളും പരിപാടിയിൽ ഉൾപ്പെടുത്തിയിട്ടുണ്ട്.

 'മാവേലി’യുടെ എഴുന്നുള്ളത്ത്, ഓണസദ്യ  എന്നിവയും ഉണ്ടായിരിക്കും. എല്ലാവരെയും ചടങ്ങിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു. വേദിയുടെ വിലാസം: Bolton Indians Sports Club Darcy Lever BL3 1SD