ഖത്തറിൽ ചൂട് കുറയും; കനത്ത കാറ്റിന് സാധ്യത, ജാഗ്രത പാലിക്കണം
Mail This Article
×
ദോഹ ∙ ഈ വാരാന്ത്യത്തിൽ പകൽ ചൂടിന് കുറവുണ്ടാകുമെന്ന് കാലാവസ്ഥാ വകുപ്പ്. പകൽ താപനില 3-4 ഡിഗ്രി സെൽഷ്യസ് വരെ കുറയും. വടക്ക്-പടിഞ്ഞാറൻ കാറ്റിന്റെ വരവിനെ തുടർന്നാണിത്.
വൈകുന്നേരങ്ങളിൽ നല്ല കാലാവസ്ഥയായിരിക്കും. കനത്ത കാറ്റിന് സാധ്യതയുള്ളതിനാൽ ജനങ്ങൾ ജാഗ്രത പാലിക്കണം.
വെള്ളി, ശനി ദിവസങ്ങളിൽ കൂടിയ താപനില 32-36 ഡിഗ്രിയും കുറഞ്ഞ താപനില 23-27 ഡിഗ്രിയുമാകും.
വെള്ളിയാഴ്ച വടക്ക്-പടിഞ്ഞാറൻ കാറ്റ് മണിക്കൂറിൽ 8 മുതൽ 18 നോട്ടിക് മൈലും ചില സമയങ്ങളിൽ 23 നോട്ടിക് മൈലും വേഗത്തിൽ വീശും.
ചില സ്ഥലങ്ങളിൽ 30 നോട്ടിക് മൈൽ വേഗത്തിൽ കാറ്റ് ശക്തിപ്രാപിക്കും. രണ്ട് ദിവസങ്ങളിലും ദൂരക്കാഴ്ച 4 മുതൽ 8 കിലോമീറ്റർ വരെ കുറയും.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.