വിമാനത്താവളത്തിലെ സൗകര്യങ്ങൾ വിലയിരുത്തി ജിഡിആർഎഫ്എ
![gdrfa-assessed-the-facilities-at-the-dubai-airport ദുബായ് വിമാനത്താവളത്തിലെ സൗകര്യങ്ങൾ വിലയിരുത്താൻ ജിഡിആർഎഫ്എ ഉന്നത ഉദ്യോഗസ്ഥർ സന്ദർശനം നടത്തുന്നു.](https://img-mm.manoramaonline.com/content/dam/mm/mo/global-malayali/gulf/images/2024/6/17/gdrfa-assessed-the-facilities-at-the-dubai-airport.jpg?w=1120&h=583)
Mail This Article
ദുബായ് ∙ ബലിപെരുന്നാളിന്റെ ആദ്യ ദിനത്തിൽ യാത്രക്കാർക്ക് ഈദ് ആശംസകൾ നേരാനും സൗകര്യങ്ങൾ വിലയിരുത്താനും ജിഡിആർഎഫ്എ ഉന്നത ഉദ്യോഗസ്ഥർ ദുബായ് വിമാനത്താവളത്തിൽ സന്ദർശനം നടത്തി. ഡയറക്ടർ ജനറൽ ലഫ്റ്റനന്റ് ജനറൽ മുഹമ്മദ് അഹ്മദ് അൽ മർറി, അസിസ്റ്റന്റ് ഡയറക്ടർ മേജർ ജനറൽ ഉബൈദ് മുഹൈർ ബിൻ സുറൂർ എന്നിവരടക്കമുള്ള ഉന്നത ഉദ്യോഗസ്ഥരാണ് വിമാനത്താവളം സന്ദർശിച്ചത്. ഈദ് കാലത്ത് സഞ്ചാരികൾക്ക് സന്തോഷകരമായ അനുഭവം ഉറപ്പാക്കുന്നതിന്റെ ഭാഗമായാണ് ഉദ്യോഗസ്ഥർ ഒരുമിച്ച് എയർപോർട്ടിൽ പര്യടനം നടത്തിയത്.
4 മുതൽ 12 വയസ്സ് വരെയുള്ള കുട്ടികൾക്കായി കഴിഞ്ഞ വർഷം ഏപ്രിലിൽ തുടങ്ങിയ ‘കിഡ്സ് പാസ്പോർട്ട് പ്ലാറ്റ്ഫോം’, സ്മാർട് ഗേറ്റുകൾ, സ്മാർട്ട് ട്രാക്ക് തുടങ്ങിയ സൗകര്യങ്ങളും ഉദ്യോഗസ്ഥ സംഘം സന്ദർശിച്ചു. ഈ സേവനങ്ങൾ യാത്രക്കാർക്ക് തൃപ്തി നിറഞ്ഞ സർവീസ് ലഭ്യമാക്കുകയും യാത്ര കൂടുതൽ ആസ്വാദ്യകരമാക്കുകയും ചെയ്യുന്നുവെന്ന് അൽ മർറി പറഞ്ഞു. യാത്രക്കാർക്ക് സുരക്ഷിതവും സൗകര്യപ്രദവുമായ യാത്രാനുഭവം നൽകാൻ ദുബായ് എപ്പോഴും പ്രതിജ്ഞാബദ്ധമാണെന്നും അദ്ദേഹം പറഞ്ഞു.