ദുബായിൽ പുതിയ സപ്ലൈ ചെയിൻ ഓഫിസ് തുറന്ന് മലബാർ ഗോൾഡ്

ദുബായ് ∙ മലബാർ ഗോൾഡ് ആൻഡ് ഡയമണ്ട്സ് ദുബായ് എയർപോർട്ട് ഫ്രീ സോണിൽ പുതിയ സപ്ലൈ ചെയിൻ ഓഫിസ് തുറന്നു. ജ്വല്ലറി ഗ്രൂപ്പിന്റെ രാജ്യാന്തര വ്യാപാരം ഏകോപിപ്പിക്കുന്നതിനാണ് പുതിയ ഓഫിസ് തുറന്നത്. മലബാർ ഗോൾഡിന്റെ ലോജിസ്റ്റിക് വിഭാഗത്തെ ശക്തപ്പെടുത്താനും വിതരണ ശൃംഖല മെച്ചപ്പെടുത്താനും ലക്ഷ്യമിട്ടുള്ളതാണ് പുതിയ ഓഫിസ് എന്ന് മാനേജിങ് ഡയറക്ടർ ഷംലാൽ അഹമ്മദ് പറഞ്ഞു. അത്യാധുനിക ഡിസൈൻ സ്റ്റുഡിയോ ഉൾപ്പെട്ട പ്രൊഡക്റ്റ് ഡവലപ്പ്‌മെന്റ് സെന്ററും ഇവിടെ പ്രവർത്തിക്കും. ബ്രാൻഡിന്റെ ഡിസൈനുകളിൽ നവീകരണത്തിന് ഊന്നൽ നൽകിയാണ് ഡിസൈൻ സെന്റർ പ്രവർത്തിക്കുന്നത്. ദുബായ് എയർപോർട്ട് ഫ്രീ സോൺ ഡയറക്ടർ ജനറൽ അംന ലൂത്ത സപ്ലൈ ചെയിൻ ഓഫിസ് ഉദ്ഘാടനം ചെയ്തു.