കൃത്യനിഷ്ഠ നിരക്കിൽ വളർച്ച രേഖപ്പെടുത്തി കുവൈത്ത് എയർവെയ്സ്
![kuwait-national-airline-recorded-growth-at-terms-of-punctuality Image Credit: KUNA](https://img-mm.manoramaonline.com/content/dam/mm/mo/global-malayali/gulf/images/2024/7/17/kuwait-flight.jpg?w=1120&h=583)
Mail This Article
കുവൈത്ത് സിറ്റി ∙ കൃത്യനിഷ്ഠ നിരക്കിൽ വളർച്ച രേഖപ്പെടുത്തി കുവൈത്ത് എയർവെയ്സ്. പുറപ്പെടൽ സമയത്തിലെ കൃത്യ നിഷ്ഠത പാലിക്കുന്ന കാര്യത്തിൽ 91.13% വളർച്ചാ നിരക്കോടെ ആണ് കുവൈത്ത് നാഷനൽ കാരിയർ ആയ കുവൈത്ത് എയർവെയ്സ് മിഡിൽ ഈസ്റ്റ് ആഫ്രിക്ക മേഖലയിൽ മൂന്നാമത് എത്തിയിരിക്കുകയാണ്. ആഗോളതലത്തിൽ എയർലൈനുകളുടെ ഓൺ ടൈം പെർഫോമൻസ് വിലയിരുത്തുന്ന സിറിയത്തിന്റെ മാസാന്ത റിപ്പോട്ടാണ് കണക്കുകൾ പുറത്തുവിട്ടത്.
2024 മാർച്ചിൽ 85.6%, ഏപ്രിലിൽ 88.2%, മേയിൽ 90.6% എന്നിങ്ങനെ ആയിരുന്നു കുവൈത്ത് എയർവെയ്സിന്റെ കൃത്യനിഷ്ഠ നിരക്ക്. ജൂൺ മാസത്തിലെ റിപ്പോർട്ടിലാണ് 91.13% വളർച്ചാനിരക്ക് രേഖപ്പെടുത്തിയത്. കഴിഞ്ഞ വർഷാവസാനം മുതൽ നടപ്പാക്കിയ കർശനമായ എയർക്രാഫ്റ്റ് മെയിന്റനൻസ് ഷെഡ്യൂളും കൃത്യമായ ആസൂത്രണത്തോടെയുള്ള ഫ്ലൈറ്റ് ഓപ്പറേഷൻ ഷെഡ്യൂളും ആണ് ഈ വളർച്ചക്ക് കാരണമെന്ന് കുവൈത്ത് എയർവേയ്സ് പറയുന്നു.