നാട്ടിൽ അവധിക്കുപോയ മലപ്പുറം സ്വദേശി അന്തരിച്ചു; വിട പറഞ്ഞത് റുസ്താഖിൽ 20 വർഷമായി സൂപ്പർമാർക്കറ്റ് നടത്തിയിരുന്ന ഫാജിസ്

മസ്‌കത്ത് ∙ അവധിക്കുപോയ മലപ്പുറം സ്വദേശി ഹൃദയാഘാതത്തെ തുടർന്ന് നാട്ടിൽ അന്തരിച്ചു. പൊന്നാനി കോട്ടത്തറയിലെ മാഞ്ഞാമ്പ്രകത്ത് ഫാജിസ് (44) ആണ് മരിച്ചത്. കുടുംബത്തോടൊപ്പം വയനാട് യാത്രയിലായിരുന്നു. യാത്രയ്ക്കിടെ ഹൃദയ സ്തംഭനം ഉണ്ടായി. ഉടൻ കോഴിക്കോട് സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.

റുസ്താഖിൽ ഇരുപത് വർഷത്തോളമായി സൂപ്പർമാർക്കറ്റ് നടത്തിവരികയായിരുന്നു. പൊന്നാനി കൾച്ചറൽ വേൾഡ് ഫൗണ്ടേഷൻ ഒമാൻ  ബാത്തിന കമ്മിറ്റി എക്‌സിക്യൂട്ടീവ് അംഗമാണ്. പിതാവ്: പരേതനായ ടി. വി. അബു. മാതാവ്: ആമിന. ഭാര്യ സബിത. മക്കൾ: ഷിനാൻ, ഫിസാൻ, ആമിന. സഹോദരങ്ങൾ: ഷക്കീബ്, അഷ്‌കർ, അഫ്‌സൽ, വഹീദ, സബിത.