ആരാധകനെ കൊന്ന കേസ്: നടി പവിത്രയും നടൻ ദർശനും ഒന്നും രണ്ടും പ്രതികൾ
Mail This Article
×
ബെംഗളൂരു∙ സമൂഹമാധ്യമങ്ങളിലൂടെ അശ്ലീല സന്ദേശം അയച്ച ആരാധകനെ കൊന്ന കേസിൽ നടി പവിത്ര ഗൗഡയെ ഒന്നാം പ്രതിയാക്കി. നടിയുടെ സുഹൃത്തും കന്നഡ സൂപ്പർ താരവുമായ ദർശൻ തൊഗുദീപയാണ് രണ്ടാം പ്രതി. ചിത്രദുർഗ സ്വദേശിയും ഫാർമസി ജീവനക്കാരനുമായ രേണുകസ്വാമിയെയാണു (33) കൊല്ലപ്പെട്ടത്.
ഇയാളുടെ മൃതദേഹം പിന്നീട് ബെംഗളൂരു കാമാക്ഷിപാളയയിലെ മലിനജല കനാലിൽ നിന്ന് കണ്ടെത്തുകയായിരുന്നു. പവിത്രയുടെ നേതൃത്വത്തിലാണു കൊലപാതക ഗൂഢാലോചന നടന്നതെന്നു കണ്ടെത്തിയതോടെയാണ് ഒന്നാം പ്രതിയാക്കിയത്. രേണുകസ്വാമിയെ പവിത്ര മർദിച്ചതായും കണ്ടെത്തിയിട്ടുണ്ട്.
ദർശന്റെ മാനേജർ പവൻ, ദർശൻ ഫാൻസ് അസോസിയേഷൻ ചിത്രദുർഗ ജില്ലാ പ്രസിഡന്റ് രാഘവേന്ദ്ര എന്നിവരാണു മൂന്നും നാലും പ്രതികൾ. മൊത്തം 17 പേരെയാണ് പ്രതി ചേർത്തിരിക്കുന്നത്.
English Summary:
Actress Pavithra and actor Darshan first and second accused in murder case
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.