എസ്എസ്എൽസി പരീക്ഷ മാർച്ച് 4 മുതൽ
![Exam | Class room | Representational image (Photo - Mind Pro Studio/Shutterstock) പ്രതീകാത്മക ചിത്രം. (Photo - Mind Pro Studio/Shutterstock)](https://img-mm.manoramaonline.com/content/dam/mm/mo/news/just-in/images/2021/7/14/exam-class-room-representational-image.jpg?w=1120&h=583)
Mail This Article
തിരുവനന്തപുരം ∙ എസ്എസ്എൽസി പരീക്ഷ അടുത്ത മാർച്ച് 4 മുതൽ 25 വരെയും ഒന്നും രണ്ടും വർഷ ഹയർ സെക്കൻഡറി പൊതുപരീക്ഷകൾ മാർച്ച് 1 മുതൽ 26 വരെയും നടക്കും. ഫെബ്രുവരി 19 മുതൽ 23 വരെയാണ് എസ്എസ്എൽസി മോഡൽ പരീക്ഷ. എസ്എസ്എൽസി ഐടി മോഡൽ പരീക്ഷ ജനുവരി 17 മുതൽ 29 വരെയും ഐടി മെയിൻ പരീക്ഷ ഫെബ്രുവരി 1 മുതൽ 14 വരെയും നടക്കും. പ്ലസ് ടു പ്രാക്ടിക്കൽ പരീക്ഷ ജനുവരി 22ന് ആരംഭിക്കും. പ്ലസ്വൺ, പ്ലസ്ടു മോഡൽ പരീക്ഷകൾ ഫെബ്രുവരി 15 മുതൽ 21 വരെയാണ്.
നിപ്പ: പ്ലസ് വൺ ഇംപ്രൂവ്മെന്റ് പരീക്ഷ നീട്ടി
തിരുവനന്തപുരം ∙ അടുത്ത തിങ്കളാഴ്ച തുടങ്ങാനിരുന്ന ഹയർ സെക്കൻഡറി, വിഎച്ച്എസ്ഇ ഒന്നാം വർഷ ഇംപ്രൂവ്മെന്റ് പരീക്ഷകൾ നിപ്പ വൈറസ് ബാധ കാരണം ഒക്ടോബർ 9,10,11,12,13 തീയതികളിലേക്കു മാറ്റി. ഡിഎൽഎഡ് പരീക്ഷകളും ഒക്ടോബർ 9 മുതൽ 21 വരെയായി പുനഃക്രമീകരിച്ചു.
English Summary: SSLC exam from March 4