കെപിസിസി പ്രസിഡന്റിന് രാജി സമർപ്പിച്ച് ഇടുക്കി ഡിസിസി പ്രസിഡന്റ്
Mail This Article
×
തൊടുപുഴ ∙ അടിമാലിയിലെത്തിയ കെപിസിസി പ്രസിഡന്റ് കെ.സുധാകരന് അപ്രതീക്ഷിതമായി രാജി നൽകി ഇടുക്കി ഡിസിസി പ്രസിഡന്റ് സി.പി.മാത്യു. പെരുവന്താനം മണ്ഡലം കോൺഗ്രസ് പ്രസിഡന്റ് ഷാജി പുല്ലാടിനെ താനറിയാതെ കെപിസിസി നീക്കം ചെയ്തതിൽ പ്രതിഷേധിച്ചാണു മാത്യുവിന്റെ നടപടി.
-
Also Read
തൊഴിലുറപ്പ്: മുൻകരുതലിന് നിർദേശം
സുധാകരൻ രാജി സ്വീകരിച്ചില്ല. അടിമാലിയിലെ മറിയക്കുട്ടിക്കു കെപിസിസി നിർമിച്ചുനൽകിയ വീടിന്റെ താക്കോൽ കൈമാറാനെത്തിയപ്പോഴാണു സുധാകരനു മാത്യു രാജിക്കത്ത് കൈമാറിയത്. തുടർന്നു ചടങ്ങിൽ പങ്കെടുക്കാതെ മാത്യു മടങ്ങിപ്പോയി. ബ്ലോക്ക് പ്രസിഡന്റിന്റെ വീട്ടിൽ സുധാകരൻ വിശ്രമിക്കുന്നതിനിടെയാണു മാത്യുവെത്തി രാജിക്കത്ത് കൊടുത്തത്. രാജി വാർത്ത സുധാകരൻ നിഷേധിച്ചു. മാത്യു പ്രതികരിച്ചിട്ടില്ല.
English Summary:
Idukki DCC president submitted resignation to KPCC president
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
