വലിയ ചെലവും കാലതാമസവും; നാസയുടെ റോവർ ദൗത്യം റദ്ദാക്കി

വാഷിങ്ടൻ ∙ ചന്ദ്രനിൽ ജലസാന്നിധ്യം കണ്ടെത്താനായി നാസ പദ്ധതിയിട്ടിരുന്ന റോവർ ദൗത്യമായ വൈപ്പർ റദ്ദാക്കി. ആസ്ട്രോബയോട്ടിക് ടെക് നോളജി എന്ന സ്വകാര്യകമ്പനിയുടെ ലാൻഡറുമായി ബന്ധിപ്പിച്ച് റോവർ അയയ്ക്കാനായിരുന്നു പദ്ധതി.ഇതുവരെ 45 കോടി ഡോളർ ഈ റോവറിന്റെ നിർമാണത്തിനായി നാസ ചെലവാക്കിയിരുന്നു. എന്നാൽ, വീണ്ടും വലിയ ചെലവും കാലതാമസവും വരുമെന്നു കണ്ടാണ് പദ്ധതി റദ്ദാക്കിയത്.