എളുപ്പമല്ല മൂന്നാമൂഴം; വിലപേശലിന് മറുപടിയില്ലാതെ മോദി; മെരുങ്ങി നിൽക്കുമോ നിതീഷും നായിഡുവും?

ഒരു കൂട്ടുകക്ഷി മന്ത്രിസഭയെ നയിക്കുകയോ അതിൽ പങ്കെടുക്കുകയോ ചെയ്തിട്ടില്ലാത്ത ഭരണാധികാരിയാണു നരേന്ദ്ര മോ‍ദി. മുഖ്യമന്ത്രിയെന്ന നിലയിൽ ഒറ്റക്കക്ഷിസർക്കാരിനെയാണ് അദ്ദേഹം നയിച്ചത്. കേന്ദ്രത്തിൽ സഖ്യമുണ്ടായിരുന്നെങ്കിലും കഴിഞ്ഞ 2 ഭരണകാലാവധിയിലും ബിജെപിക്കു തനിച്ചു ഭൂരിപക്ഷമുണ്ടായിരുന്നതിനാൽ ഫലത്തിൽ ഒറ്റക്കക്ഷിഭരണമായിരുന്നു. വിലപേശാൻ പോയിട്ടു ശബ്ദമുയർത്താൻപോലുമാവാത്ത അവസ്ഥയിലായിരുന്നു സഖ്യകക്ഷികൾ. ഇപ്പോൾ അതല്ല സ്ഥിതി. കൂട്ടുകക്ഷികളെ ആശ്രയിച്ചാവും മൂന്നാം മോദി സർക്കാരിന്റെ നിലനിൽപ്. കൂട്ടുകിട്ടിയിരിക്കുന്നതോ കൂട്ടുകക്ഷിഭരണത്തിലെ 2 താപ്പാനകളെ. ഉരസലുകൾ തീർച്ചയായും പ്രതീക്ഷിക്കാം.