ശക്തി ‘ചോർന്നു’, സിപിഎമ്മിന് വൻ വോട്ടുനഷ്ടം; ബിജെപി മുന്നിലെത്തിയ 11 മണ്ഡലവും ഇടതിന്റേത്, മൂന്നെണ്ണം മന്ത്രിമണ്ഡലം

ലോക്‌സഭാ തിരഞ്ഞെടുപ്പിൽ ഇടതു ശക്തികേന്ദ്രങ്ങളിലെ വോട്ടു ചോർച്ച സിപിഎം പരിശോധിക്കും. കാസർകോട്, പാലക്കാട്, ആറ്റിങ്ങൽ, സിറ്റിങ് സീറ്റായ ആലപ്പുഴ എന്നിവിടങ്ങളിലാണ് പാർട്ടിക്ക് ആശങ്ക ജനിപ്പിക്കുന്ന തരത്തിൽ വോട്ടു മറിഞ്ഞത്. എറണാകുളത്ത് തൊണ്ണൂറായിരത്തിലേറെ വോട്ടു ചോർന്നതും നേതൃത്വത്തിനു ഞെട്ടലാണ്. കൊല്ലത്ത് ഏകദേശം 57,000 വോട്ട് നഷ്ടപ്പെട്ടു. ആലപ്പുഴയിൽ കഴിഞ്ഞ തവണ എ.എം.ആരിഫിന് 4,45,970 വോട്ട് ലഭിച്ചിടത്ത് ഇത്തവണ 3,41,047 ആയി കുറഞ്ഞു. എസ്എൻഡിപിയുടെ പ്രവർത്തനം ബിജെപി സ്ഥാനാർഥിക്ക് അനുകൂലമായതാണ് പ്രധാന കാരണമെന്ന നിഗമനത്തിലാണു നേതൃത്വം. എസ്എൻഡിപിയുടെ സംഘടനാ സംവിധാനത്തിൽ ബിജെപിക്കു കയറാൻ കഴിയുന്നത് നിസ്സാരമായി കാണരുതെന്ന വികാരമാണ് നേതാക്കൾ പ്രകടിപ്പിക്കുന്നത്. ചില മേഖലകളിൽ ഉൾപ്പാർട്ടി പ്രശ്നങ്ങളും ബാധിച്ചു. തിരിച്ചുപിടിക്കുമെന്ന് സിപിഎം കണക്കുകൂട്ടിയ കാസർകോടും പാലക്കാടും