കുട്ടിയുമായി സ്ത്രീയെ കണ്ടിട്ടും പൊലീസ് 'കണ്ണടച്ചു'? ദൃശ്യങ്ങൾ തടഞ്ഞു; ഈ 10 ചോദ്യങ്ങളുടെ ഉത്തരമെവിടെ?
![kollam-missing
കൊല്ലത്ത് കാണാതായ കുട്ടിക്കു വേണ്ടിയുള്ള തിരച്ചിൽ പുരോഗമിക്കുന്നതിനിടെ വിതുമ്പുന്ന അമ്മ. (ചിത്രം∙മനോരമ)](https://img-mm.manoramaonline.com/content/dam/mm/mo/premium/opinion-and-analysis/images/2023/11/30/kollam-missing.jpg?w=1120&h=583)
Mail This Article
കൊല്ലത്ത് കാണാതായ കുട്ടിയെ തിരികെ തിട്ടിയെങ്കിലും, നഷ്ടപ്പെട്ട അഭിമാനം ഇപ്പോഴും പൊലീസിനു തിരികെപ്പിടിക്കാനായിട്ടില്ല. അതിനു കാരണവുമുണ്ട്. ഓയൂരിൽനിന്ന് ആറു വയസ്സുകാരിയെ തട്ടിക്കൊണ്ടു പോയ കേസിന്റെ അന്വേഷണത്തിൽ ഒന്നുകില് പൊലീസ് ഇരുട്ടിൽ തപ്പുകയാണ് അല്ലെങ്കിൽ എന്തോ ഒളിക്കുന്നു. കുട്ടിയെ കൊല്ലം നഗരത്തിലെ തിരക്കേറിയ ആശ്രാമം മൈതാനത്ത് പട്ടാപ്പകൽ ഉപേക്ഷിച്ചുപോയ പ്രതികളെ പിടികൂടാനോ, തട്ടിക്കൊണ്ടു പോയ വാഹനം കണ്ടെത്താനോ പൊലീസിന് ഇതുവരെ കഴിഞ്ഞിട്ടില്ല. കുട്ടിയെ കണ്ടുകിട്ടിയ ശേഷം സിസിടിവി ദൃശ്യങ്ങൾ പരിശോധിക്കാൻ പോലും പൊലീസ് തയാറായിട്ടില്ലെന്നാണ് ആരോപണം. എന്തുകൊണ്ടായിരിക്കും ഇത്? ഇതിനു മാത്രമല്ല, ഉത്തരം കിട്ടാതെ ഒട്ടേറെ ചോദ്യങ്ങൾ ഇനിയുമുണ്ട്. ആ ചോദ്യങ്ങളുടെ ഉത്തരം തേടിയാണ് പൊലീസ് സഞ്ചരിക്കുന്നത്. എന്നാൽ ചില ഉത്തരങ്ങൾ കണ്മുന്നിലുണ്ടായിട്ടും പൊലീസ് എന്താണ് അതിനു നേരെ കണ്ണടയ്ക്കുന്നത്? മാധ്യമങ്ങൾക്ക് സിസിടിവി ദൃശ്യങ്ങൾ നൽകുന്നതിലെ വിലക്കു പോലും സംശയം ജനിപ്പിക്കുന്നതാണ്.