വമ്പൻമാരുടെ വഴിമുടക്കുന്ന ‘കുഞ്ഞന്മാർ’; എട്ടാം അങ്കത്തിലും അടിതെറ്റാതെ ടീം ഇന്ത്യ– കാണാം ‘ക്രിക്കറ്റ് കാർണിവൽ’ വിഡിയോ

ക്രിക്കറ്റ് ആവേശത്തിന്റെ ചെറുപൂരമായ ട്വന്റി20 ലോകകപ്പിന്റെ ആവേശം യുഎസിലും വെസ്റ്റ് ഇൻഡീസിലുമായി പൊടിപൊടിക്കുകയാണ്. 4 ഗ്രൂപ്പുകളിലായി കളത്തിലിറങ്ങുന്നത് 20 ടീമുകൾ. ആവേശപ്പോരാട്ടങ്ങൾ പലതും മുൻകൂട്ടി പ്രതീക്ഷിച്ച ഫലത്തിൽ കലാശിക്കുന്നുണ്ടെങ്കിലും ചില സന്ദർഭങ്ങളിൽ കളിയുടെ സ്വഭാവം തന്നെ മാറിമറിയുന്നതിനും ക്രിക്കറ്റ് ആരാധകർ ഇതിനോടകം സാക്ഷ്യംവഹിച്ചു. വമ്പൻമാരുടെ തലക്കനവുമായി മൈതാനത്തിറങ്ങിയ പലർക്കും കുഞ്ഞൻമാർ എന്ന് എഴുതിത്തള്ളിയിരുന്ന, ഐസിസി ടൂർണമെന്റുകളിലെ നവാഗതരായ ടീമുകളോട് പോലും അടിയറവ് പറയേണ്ടി വന്നു. ഈ പരാജയങ്ങൾ വഴിമുടക്കിയത് പല ടീമുകളുടെയും സൂപ്പർ 8 സ്വപ്നങ്ങളാണ്. ഇതിനോടകം തന്നെ സൂപ്പർ 8ൽ ബെർത്ത് ലഭിക്കില്ലെന്ന് ഏറക്കുറെ ഉറപ്പായവരിൽ പാക്കിസ്ഥാൻ, ശ്രീലങ്ക, ഇംഗ്ലണ്ട് എന്നിങ്ങനെ മുൻ ചാംപ്യൻ ടീമുകൾവരെയുണ്ട്. അതേസമയം