യാത്രക്കാർക്ക് ആനുകൂല്യങ്ങളുമായി എസ്ബിഐ കാർഡ് മൈൽസ്
![credit-card എസ്ബിഐ കാർഡ് മൈൽസ് മുംബൈയിൽ എസ്ബിഐ എംഡി അശ്വിനി കുമാർ തിവാരി, ചെയർമാൻ ദിനേശ് കുമാർ ഖേര ,എസ്ബിഐ കാർഡ് എംഡിയും സിഇഒയുമായ അഭിജിത്ത് ചക്രവർത്തി എന്നിവർ ചേർന്ന് പുറത്തിറക്കുന്നു.](https://img-mm.manoramaonline.com/content/dam/mm/mo/sampadyam/business-news/images/2024/5/3/credit-card.jpg?w=1120&h=583)
Mail This Article
മുംബൈ∙ എസ്ബിഐ കാർഡ്, എല്ലാ തരത്തിലുള്ള യാത്രക്കാരെയും ലക്ഷ്യമിട്ടുള്ള ആദ്യ കോർ ക്രെഡിറ്റ് കാർഡായ ‘എസ്ബിഐ കാർഡ് മൈൽസിന്റെ ’ 3 വേരിയന്റുകൾ പുറത്തിറക്കി. ട്രാവൽ ക്രെഡിറ്റുകൾ എയർ മൈലുകളായും ഹോട്ടൽ പോയിന്റുകളായും പരിവർത്തനം ചെയ്യൽ, എല്ലാ യാത്രാ ബുക്കിങ്ങിലും കൂടുതൽ റിവാർഡുകൾ, എയർപോർട്ട് ലോഞ്ച് ആക്സസ് തുടങ്ങിയവ വാഗ്ദാനം ചെയ്യുന്നു.
എയർ വിസ്താര, എയർ ഇന്ത്യ, സ്പൈസ് ജെറ്റ്, എയർ ഫ്രാൻസ്-കെഎൽഎം, ഇത്തിഹാദ് എയർവേയ്സ്, എയർ കാനഡ, തായ് എയർവേയ്സ്, ക്വാന്റസ് എയർവേയ്സ്, ഐടിസി ഹോട്ടൽസ്, ഐഎച്ച്ജി ഹോട്ടൽസ് ആൻഡ് റിസോർട്സ്, ആക്കോർ തുടങ്ങിയ 20 എയർലൈൻ-ഹോട്ടൽ ബ്രാൻഡുകളുമായി പങ്കാളിത്തത്തിൽ ഏർപ്പെട്ടിട്ടുണ്ടെന്ന് സ്റ്റേറ്റ് ബാങ്ക് ഓഫ് ഇന്ത്യ ചെയർമാൻ ദിനേശ് കുമാർ ഖേര പറഞ്ഞു.
എസ്ബിഐ കാർഡ് മൈൽസ് എലൈറ്റ് , എസ്ബിഐ കാർഡ് മൈൽസ് പ്രൈം, എസ്ബിഐ കാർഡ് മൈൽസ് എന്നീ 3 വേരിയന്റുകൾ ഉണ്ട്.