കാര്യവട്ടം റെഡി; ടീമുകൾ നാളെയെത്തും

തിരുവനന്തപുരം∙ ഇന്ത്യ–വെസ്റ്റിൻഡീസ് ട്വന്റി20 പരമ്പരയിലെ രണ്ടാം മത്സരത്തിനായി ഇരുടീമുകളും നാളെ വൈകിട്ടെത്തും. 8ന് വൈകിട്ട് 7ന് സ്പോർട്സ് ഹബ് സ്റ്റേഡിയത്തിലാണ് മത്സരം. ഒരുക്കങ്ങൾ പൂർത്തിയായതായി കേരള ക്രിക്കറ്റ് അസോസിയേഷൻ അറിയിച്ചു. 92 ശതമാനം ടിക്കറ്റുകൾ വിറ്റുപോയി. മത്സരത്തിനായി 2 വിക്കറ്റുകളുടെ നിർമാണം പൂർത്തിയായി. ബാറ്റിങ് വിക്കറ്റുകളാണു സ്പോർട്സ് ഹബ്ബിൽ ഒരുക്കിയിരിക്കുന്നത്. 4 പ്രാക്ടീസ് വിക്കറ്റുകളും തയാറാക്കിയിട്ടുണ്ട്. ഓസ്ട്രേലിയൻ ഇതിഹാസതാരം ഡേവിഡ് ബൂൺ ആണ് മാച്ച് റഫറി.