ഏഷ്യൻ ചാംപ്യൻസ് ഹോക്കി; ഇന്ത്യയ്ക്ക് സമനില

ചെന്നൈ ∙ ഏഷ്യൻ ചാംപ്യൻസ് ട്രോഫി ഹോക്കി ടൂർണമെന്റിലെ രണ്ടാം മത്സരത്തിൽ ജപ്പാനെതിരെ ഇന്ത്യയ്ക്കു സമനില (1–1). 27–ാം മിനിറ്റിൽ കെൻ നാകയോഷിയിലൂടെ ജപ്പാൻ ലീ‍‍ഡ് എടുത്തെങ്കിലും 42–ാം മിനിറ്റിൽ ഹർമൻപ്രീത് കൗറിലൂടെ ഇന്ത്യ ഒപ്പമെത്തി. വ്യാഴാഴ്ച ആദ്യ മത്സരത്തിൽ ഇന്ത്യ ചൈനയെ 7–2ന് തോൽപിച്ചിരുന്നു.

ഇന്നലെ മറ്റു മത്സരങ്ങളിൽ മലേഷ്യ ചൈനയെ തോൽപിച്ചു (5–1). മലേഷ്യയ്ക്കായി അബു കമാൽ അസറായി ഇരട്ട ഗോൾ നേടി. ആദ്യ മത്സരത്തിൽ മലേഷ്യയോട് തോറ്റ പാക്കിസ്ഥാൻ ദക്ഷിണ കൊറിയയോട് സമനില പിടിച്ചു (1–1).

English Summary :  Draw for India in Asian Champions Hockey