പതിനാലാം വയസ്സിൽ ധിനിധി പാരിസിലേക്ക്

ന്യൂഡൽഹി ∙ പാരിസ് ഒളിംപിക്സ് നീന്തൽക്കുളത്തിലേക്ക് 14 വയസ്സുകാരി ധിനിധി ദേസിങ്കുവും. പാരിസിൽ നീന്തലി‍ൽ ഇന്ത്യയെ പ്രതിനിധീകരിക്കുന്ന 2 താരങ്ങളിൽ ഒരാളാണ് പാതി മലയാളിയായ ധിനിധി. കർണാടക താരമായ ശ്രീഹരി നടരാജൻ പുരുഷൻമാരുടെ 100 മീറ്റർ ബ്രെസ്റ്റ് സ്ട്രോക്കിലും ധിനിധി വനിതകളുടെ 200 മീറ്റർ ഫ്രീസ്റ്റൈലിലും പാരിസിൽ മത്സരിക്കും.  തമിഴ്നാട് സ്വദേശിയായ ധിനിധിയുടെ അമ്മ ജെസിത കോഴിക്കോട് പുതിയങ്ങാടി സ്വദേശിനിയാണ്. കഴിഞ്ഞവർഷം നടന്ന ഹാങ്ചോ ഏഷ്യൻ ഗെയിംസിൽ ഇന്ത്യൻ ടീമിലെ ഏറ്റവും പ്രായംകുറഞ്ഞ താരം ധിനിധി ദേസിങ്കുവായിരുന്നു.