മുൻ ലോക ഹൈജംപ് ചാംപ്യൻ വെടിയേറ്റു മരിച്ചു

കേപ്ടൗൺ ∙ പുരുഷ ഹൈജംപ് മുൻ ലോക ചാംപ്യൻ ദക്ഷിണാഫ്രിക്കയുടെ ജാക്വസ് ഫ്രെയ്റ്റാഗ് (42) വെടിയേറ്റു മരിച്ച നിലയിൽ. ജൂൺ 17 മുതൽ കാണാതായ ഫ്രെയ്റ്റാഗിന്റെ മൃതദേഹം വെസ്റ്റ് പ്രിട്ടോറിയയിലെ ഒരു സെമിത്തേരിയ്ക്കു സമീപത്താണ് കണ്ടെത്തിയതെന്ന് പൊലീസ് അറിയിച്ചു. 2003ലെ ലോക അത്‌ലറ്റിക്സ് ചാംപ്യൻഷിപ്പിൽ സ്വർണം നേടിയ ജാക്വസ് ഫ്രെയ്റ്റാഗ് അതിനു മുൻപ് ലോക യൂത്ത്, ജൂനിയർ ചാംപ്യൻഷിപ്പുകളിലും ഹൈജംപ് ചാംപ്യനായിരുന്നു.