കൊച്ചിൻ ഷിപ്‌യാഡിൽ ഒാപ്പറേറ്റർ/ ഡ്രൈവർ; 81 ഒഴിവ്, ഇന്റർവ്യൂ ഒാഗസ്റ്റ് 21, 22 തീയതികളിൽ
Mail This Article
കൊച്ചിൻ ഷിപ്‌യാഡ് ലിമിറ്റഡിൽ 60 ഒാപ്പറേറ്റർ, 21 ഡ്രൈവർ ഒഴിവ്. 3 വർഷ കരാർ നിയമനം. വിമുക്തഭടൻമാർക്കും സെൻട്രൽ ആംഡ് പൊലീസ് ഫോഴ്സിൽനിന്നു വിരമിച്ചവർക്കുമാണ് അവസരം. ഇന്റർവ്യൂ ഒാഗസ്റ്റ് 21, 22 തീയതികളിൽ.
തസ്തികയും യോഗ്യതയും:
∙ഡ്രൈവർ (ആംബുലൻസ് വാൻ, സിഐഎസ്എഫ് ക്വിക് റെസ്പോൺസ് വെഹിക്കിൾസ്, ട്രക്/പിക്കപ് വാൻ): ഏഴാം ക്ലാസ് ജയം, ഹെവി വെഹിക്കിൾ ഡ്രൈവിങ് ലൈസൻസ്.
∙ഡ്രൈവർ (സ്റ്റാഫ് കാർ): ഏഴാം ക്ലാസ് ജയം, ലൈറ്റ് വെഹിക്കിൾ ഡ്രൈവിങ് ലൈസൻസ്.
∙ഒാപ്പറേറ്റർ (ഡീസൽ ക്രെയിൻസ്, ഫയർ ടെൻഡർ): ഏഴാം ക്ലാസ് ജയം, ഹെവി വെഹിക്കിൾ ഡ്രൈവിങ് ലൈസൻസ്.
∙ഒാപ്പറേറ്റർ (ഫോർക്‌ലിഫ്റ്റ്/ഏരിയൽ വർക്ക് പ്ലാറ്റ്ഫോം): ഏഴാം ക്ലാസ് ജയം, ഹെവി വെഹിക്കിൾ/ ഫോർക്‌ലിഫ്റ്റ് ഡ്രൈവിങ് ലൈസൻസ്.
അപേക്ഷകർക്ക് ഒരു വർഷ പരിചയവും വേണം.
∙പ്രായം: 57 കവിയരുത്. അർഹർക്ക് ഇളവ്.
∙ശമ്പളം (1, 2, 3 വർഷങ്ങളിൽ): 27,000; 28,000; 28,900.
