ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി: വസ്ത്രാഭരണ സുഗന്ധദ്രവ്യങ്ങൾ വാങ്ങുവാനിടവരും. ക്രയവിക്രയങ്ങളിൽ ലാഭാനുഭവങ്ങൾ കുറയും.
ഭരണി: കീഴ്ജീവനക്കാരുടെ സഹായത്താൽ ഏറ്റെടുത്ത ജോലികൾ യഥാസമയത്ത് ചെയ്തു തീർക്കുവാൻ സാധിക്കും. കുടുംബസൗഖ്യവും ദാമ്പത്യ ഐക്യതയും ഉണ്ടാകും.
കാർത്തിക: നിരപരാധിത്വം തെളിയിക്കുവാൻ സാധിക്കുന്നതിനാൽ കുറ്റവിമുക്തനാകും. മുടങ്ങിക്കിടപ്പുള്ള പണം ലഭിക്കുവാൻ നിയമസഹായം തേടുവാനിടവരും.
രോഹിണി: സമ്മാന പദ്ധതികളിൽ വിജയം കൈവരിക്കും. സഹൃദയസദസ്സിൽ അംഗീകാരവും അനുമോദനവും ലഭിക്കും.
മകയിരം: ആരോഗ്യവും ദാമ്പത്യസൗഖ്യവും കുടുംബത്തിൽ സമാധാനവും ഉണ്ടാകും. ബന്ധുജന ബഹുമാന്യതയും പ്രതാപവും അനുഭവിക്കും.
തിരുവാതിര:ആരോഗ്യം തൃപ്തികരമായിരിക്കും. ദാമ്പത്യ സൗഖ്യവും കുടുംബത്തിൽ സമാധാനവും ഉണ്ടാകും.
പുണർതം: ആധ്യാത്മികാത്മീയ പ്രവൃത്തികളാൽ മനസ്സമാധാനമുണ്ടാകും. മേലധികാരികളോടു വാക്തർക്കത്തിന് പോകരുത്.
പൂയം: പൂർവിക തറവാട്ടിൽ നടക്കുന്ന വിവാഹാദി മംഗളകർമങ്ങളിൽ പങ്കെടുക്കുവാനിടവരും. ധനകാര്യസ്ഥാപനത്തിന്റെ സഹായത്തോടു കൂടി ഗൃഹനിർമാണ പ്രവർത്തനങ്ങൾ തുടങ്ങിവയ്ക്കും.
ആയില്യം: ഉപരിപഠനത്തിന് ഉദ്ദേശിച്ച വിഷയത്തിൽ പ്രവേശനം ലഭിക്കാത്തതിനാൽ മനോവിഷമം തോന്നും. ആരോഗ്യവും ദാമ്പത്യസൗഖ്യവും കുടുംബത്തിൽ സമാധാനവും ഉണ്ടാകും.
മകം: അറിയാതെ വന്നുചേർന്ന അബദ്ധങ്ങളിൽ നിന്ന് ഈശ്വരാരാധനകളാലും ആത്മധൈര്യത്താലും വേർപെട്ടു പോരുവാനാകും. വിദേശ ഉദ്യോഗത്തിന് അവസരം ലഭിക്കും.
പൂരം: ആശ്രയിച്ചുവരുന്നവർക്ക് സാമ്പത്തിക സഹായം ചെയ്യുവാനിടവരും. വളരെ കാലങ്ങളായി നിലനിന്നിരുന്ന കുടുംബതർക്കം രമ്യമായി പരിഹരിക്കും.
ഉത്രം: വിവാഹാദി മംഗളകർമങ്ങളിൽ പങ്കെടുക്കുവാനിടവരും. പുതിയ കാർഷികവിളകൾ പ്രാവർത്തികമാക്കുവാൻ വിദഗ്ധോപദേശം തേടും.
അത്തം: പ്രലോഭനങ്ങളിൽ അകപ്പെടാതെ സൂക്ഷിക്കണം. ഉപരിപഠനത്തിനത്തിന് അവസരം വന്നുചേരും.
ചിത്തിര: സാമ്പത്തിക ക്രമക്കേട് നടത്തുന്ന ഉദ്യോഗസ്ഥരുടെ പേരിൽ നടപടികൾ സ്വീകരിവാനിടവരും. ബന്ധു സഹായത്താൽ ഗൃഹം വാങ്ങുവാനിടവരും.
ചോതി: സഹൃദയസദസ്സിൽ മഹനീയസ്ഥാനം വഹിക്കുവാനിടവരും. വിവാഹാദി മംഗളകർമങ്ങളിൽ പങ്കെടുക്കുവാനും വിശിഷ്ടവ്യക്തികളെ പരിചയപ്പെടുവാനും അവസരമുണ്ടാകും.
വിശാഖം: വളരെ കാലമായി ശ്രമിച്ചുവരുന്ന ഔദ്യോഗികമായ വിദേശയാത്രയ്ക്ക് അനുമതി ലഭിക്കും. മനസ്സിലുദ്ദേശിക്കുന്ന കാര്യങ്ങൾ നിഷ്പ്രയാസം സാധ്യമാകും.
അനിഴം: സുഗന്ധ ഔഷധകൃഷി സമ്പ്രദായം നടപ്പിലാക്കുവാൻ വിദഗ്ധ നിർദേശം തേടും. ഉപരിപഠനത്തിന് ഉദ്ദേശിച്ച വിഷയത്തിൽ പ്രവേശനം ലഭിക്കും.
തൃക്കേട്ട: വളരെ വർഷങ്ങൾക്കു ശേഷം പൂർവിക തറവാട്ടിൽ താമസിക്കുവാനിടവരും. കക്ഷിരാഷ്ട്രീയ പ്രവർത്തകരുടെ സഹായത്തോടെ ഗവൺമെന്റ് കരാർ ജോലികൾ ഏറ്റെടുക്കുവാനിടവരും.
മൂലം: വിദേശ-സ്വദേശ കരാറുകൾ ഒപ്പുവയ്ക്കുവാനിടവരും. പുതിയ കൃഷിസമ്പ്രദായം ആവിഷ്കരിക്കുവാൻ പ്രതീക്ഷിച്ചതിലുപരി പണച്ചെലവ് അനുഭവപ്പെടും.
പൂരാടം: അസാധാരണ കഴിവുള്ള വ്യക്തികളെ ആദരിക്കുവാനിടവരും. ആരോഗ്യം തൃപ്തികരമായിരിക്കും
ഉത്രാടം: ആധ്യാത്മികാത്മീയ പ്രവൃത്തികളിൽ സജീവമായി സഹകരിക്കും. സുഹൃത്തിന്റെ വിവാഹം മംഗളമായി നടത്തുവാൻ ചുമതലകൾ ഏറ്റെടുക്കുവാനിടവരും.
തിരുവോണം: ബന്ധുവിന്റെ വിവാഹകർമങ്ങളിൽ സജീവസാന്നിധ്യം വേണ്ടിവരും. മനസ്സിലുദ്ദേശിക്കുന്ന കാര്യങ്ങൾ നിഷ്പ്രയാസം സാധിക്കും.
അവിട്ടം: സർവർക്കും സ്വീകാര്യമായ നിലപാട് സ്വീകരിക്കുന്നതിൽ ആത്മാഭിമാനം തോന്നും. സഹായമനഃസ്ഥിതി ആദരങ്ങൾക്കു വഴിയൊരുക്കും.
ചതയം: ഉപരിപഠനത്തിനു ചേരുവാൻ പ്രതീക്ഷിച്ചതിലുപരി പണച്ചെലവ് അനുഭവപ്പെടും. സാഹിത്യ രചനകൾക്ക് അംഗീകാരം ലഭിക്കും.
പൂരുരുട്ടാതി: മാസത്തിലൊരിക്കൽ ഗൃഹത്തിൽ വന്നുപോകുവാൻ തക്കവണ്ണം ദൂരത്തേക്ക് ഉദ്യോഗമാറ്റമുണ്ടാകും. സാഹചര്യങ്ങൾക്കനുസരിച്ച് ആത്മനിയന്ത്രണം വേണ്ടിവരും.
ഉത്തൃട്ടാതി: കാലാനുസൃതമായ മാറ്റം ഉൾക്കൊണ്ട് ആധുനിക സംവിധാനം അവലംബിക്കുന്നത് പ്രവർത്തനക്ഷമതയ്ക്കും സാമ്പത്തികഭദ്രതയ്ക്കും വഴിയൊരുക്കും. വ്യവസ്ഥകൾക്കതീതമായി ചെയ്യുന്ന കാര്യങ്ങൾക്ക് അനുമോദനങ്ങൾ വന്നുചേരും.
രേവതി: സാമ്പത്തിക പ്രതിസന്ധി തരണം ചെയ്യുവാൻ ഭൂമി പണയപ്പെടുത്തും. ആസൂത്രിത പദ്ധതിയായാൽ പോലും, അകാരണ തടസ്സങ്ങൾ അനുഭവപ്പെടും.