കളിക്കൂട്ടുകാരനൊപ്പം ഫുട്‌ബോൾ കളിച്ച് വളർത്തുനായ: ഹൃദ്യം ഈ വിഡിയോ

വളർത്തുമൃഗങ്ങൾക്കും അവയ്​ക്കൊ പ്പമുള്ള കളികളും ഏറ്റവും ആസ്വദിക്കുന്നത് കുട്ടികളാണ്. അവയെ കൊഞ്ചിക്കുന്നതും ഭക്ഷണം കൊടുക്കുന്നതുമൊക്കെ അവർക്കേറെ ഇഷ്ടമുള്ള കാര്യങ്ങളാണ്. നായയും പൂച്ചയുമൊക്കെ കുട്ടികൾക്കൊപ്പം കളിക്കാറുമുണ്ട്. എന്നാൽ തകർപ്പനായി ഫുഡ്ബോൾ കളിക്കുന്ന നായയെ കണ്ടിട്ടുണ്ടോ? അത്തരത്തിൽ തന്റെ പ്രിയ കൂട്ടുകാരനൊപ്പം ഫുഡ്ബോൾ കളിക്കുന്ന ഒരു നായക്കുട്ടന്റെ വിഡിയോയാണ് സോഷ്യൽ ലോകത്ത് ഇപ്പോൾ കൗതുകമാകുന്നത്. നായയ്‌ക്കൊപ്പം ഫുട്‌ബോൾ കളിക്കുന്ന ഈ കൊച്ചുകുട്ടിയുടെ മനോഹരമായ ദൃശ്യങ്ങള്‍ക്ക് നിരവധിയാണ് ആരാധകർ.

കുട്ടി ഫുഡ്ബോൾ നായയ്ക്കു നേരെ തട്ടുമ്പോൾ മുൻകാലുകൾകൊണ്ടും മുഖം കൊണ്ടു ബോൾ തടഞ്ഞിട്ട് തിരികെ തട്ടിയിട്ടു കൊടുക്കുകയാണ് നായ. പന്ത് കൈകാര്യം ചെയ്യാനുള്ള നായയുടെ കഴിവ് കണ്ട് അദ്ഭുതപ്പെടുകയാണ് പലരും. ഒക്‌ടോബർ 11-ന് പങ്കിട്ട വിഡിയോ 1.2 മില്യൺ കാഴ്ചക്കാരും 50,500 ലൈക്കുകളും നിരവധി കമന്റുകളും നേടി സോഷ്യൽലോകത്ത് വൈറലാകുകയാണ്. ‘ഈ നായ ഇപ്പോൾ ഒരു പുതിയ ടീമംഗത്തെ കണ്ടെത്തിയിരിക്കുന്നുവെന്നും കുട്ടിയും നായയും തമ്മിലുള്ള ബന്ധം വിലമതിക്കാനാവാത്തതാണെന്നും മിടുക്കൻ, അവർ ഒരുമിച്ച് സന്തോഷകരമായി സമയം ചെലവഴിക്കുന്നു എന്നുമൊക്കെയാണ് വിഡിയോയ്ക്ക് വരുന്ന കമന്റുകൾ.

Content Summary : Little boy playing football with dog - Viral Video