വേണുഗോപാൽ ചേർത്തലയിൽ; ആരിഫും ശോഭയും ഹരിപ്പാട്

ആലപ്പുഴ∙ കത്തുന്ന ചൂടിനെയും വകവയ്ക്കാതെ ദിവസം മുഴുവൻ നീളുന്ന പരിപാടികളുമായി സ്ഥാനാർഥികൾ മണ്ഡലത്തിൽ നിറഞ്ഞുനിന്നു.യുഡിഎഫ് സ്ഥാനാർഥി കെ.സി.വേണുഗോപാൽ ചേർത്തല മണ്ഡലത്തിൽ വിവിധയിടങ്ങളിൽ പര്യടനം നടത്തി. ഡിസിസി പ്രസിഡന്റ് ബി.ബാബുപ്രസാദ്, കെപിസിസി എക്സിക്യൂട്ടീവ് അംഗം ഡി.സുഗതൻ, കെപിസിസി രാഷ്ട്രീയകാര്യ സമിതിയംഗം എം.ലിജു, കെപിസിസി സെക്രട്ടറി എസ്.ശരത് എന്നിവർ ഒപ്പമുണ്ടായിരുന്നു. കയർമേഖലയിലെ തൊഴിലാളികളുമായി സംവദിച്ചു.

എൽഡിഎഫ് സ്ഥാനാർഥി എ.എം.ആരിഫ് ഹരിപ്പാട് മണ്ഡലത്തിൽ വിവിധയിടങ്ങളിൽ സ്വീകരണ പര്യടനം നടത്തി. പുറക്കാട്ട് അപകടത്തിൽ മരിച്ചവരുടെ വീട് സന്ദർശിച്ചു.

എൻഡിഎ സ്ഥാനാർഥി ശോഭാ സുരേന്ദ്രൻ പിറന്നാൾ ആയിരുന്നതിനാൽ ക്ഷേത്രങ്ങളിൽ ദർശനം നടത്തി. പുറക്കാട്ട് അപകടത്തിൽ മരിച്ചവരുടെ വീട് സന്ദർശിച്ചു. മത്സ്യത്തൊഴിലാളി കുടുംബത്തോടൊപ്പം പിറന്നാൾ സദ്യ കഴിച്ചു. തിരഞ്ഞെടുപ്പ് അവലോകന യോഗത്തിൽ പങ്കെടുത്തു. ഹരിപ്പാട് നിയോജക മണ്ഡലത്തിൽ പര്യടനം നടത്തി.