കേന്ദ്രസർക്കാരിന്റെ സത്യപ്രതിജ്ഞ: ബിജെപി ആഹ്ലാദ പ്രകടനം

കായംകുളം∙ നരേന്ദ്രമോദി പ്രധാനമന്ത്രിയായി സത്യപ്രതിജ്ഞ ചെയ്ത ചടങ്ങിനോടനുബന്ധിച്ച് ബിജെപി കായംകുളം മണ്ഡലം കമ്മിറ്റിയുടെ നേതൃത്വത്തിൽ പട്ടണത്തിൽ  ആഹ്ലാദ പ്രകടനം നടത്തി. പാർട്ടി ആസ്ഥാനത്ത് നിന്ന് ആരംഭിച്ച പ്രകടനത്തിൽ പത്തിയൂർ, കണ്ടല്ലൂർ, ദേവികുളങ്ങര, നഗരസഭ എന്നിവിടങ്ങളിലെ നൂറ് കണക്കിന്‌ പ്രവർത്തകർ അണി ചേർന്നു. പ്രകടനം മാർക്കറ്റ് ജംക്‌ഷൻ ചുറ്റി മുനിസിപ്പൽ ജംക്‌ഷൻ, കെഎസ്ആർടിസി ജംക്‌ഷൻ വഴി പാർട്ടി ആസ്ഥാനത്ത് സമാപിച്ചു.

സമാപന സമ്മേളനം ബിജെപി മണ്ഡലം പ്രസിഡന്റ് കൃഷ്ണകുമാർ രാംദാസ് ഉദ്ഘാടനം ചെയ്തു.പ്രകടനത്തിന് സംസ്ഥാന കൗൺസിൽ അംഗങ്ങളായ പാലമുറ്റത്ത് വിജയകുമാർ, പാറയിൽ രാധാകൃഷ്ണൻ, മഠത്തിൽ ബിജു, നിയോജക മണ്ഡലം പ്രസിഡന്റ്  കൃഷ്ണകുമാർ രാംദാസ്, വൈസ് പ്രസിഡന്റ് ആർ.രാജേഷ്, ജനറൽ സെക്രട്ടറിമാരായ കൃഷ്കുമാർ, സദാശിവൻ, സന്തോഷ് കണിയാംപറമ്പിൽ, സുഭാഷ് കടക്കാപ്പള്ളി, ഓമന അനിൽ, രാജേഷ് കമ്മത്ത്,  ബിജു എരുവ, വിനോദ് ,ബാബുക്കുട്ടൻ, വിപിൻ രാജ്, കൊച്ചുമുറി രമേശ്, എന്നിവർ നേ