സംസ്ഥാന ഷൂട്ടിങ് ചാംപ്യൻഷിപ്പിൽ സ്വർണത്തിളക്കവുമായി യുവ ഡോക്ടർ
Mail This Article
×
മാവേലിക്കര ∙ പാലക്കാട്ട് നടന്ന സംസ്ഥാന ഷൂട്ടിങ് ചാംപ്യൻഷിപ്പിൽ വ്യക്തിഗത വിഭാഗത്തിലും ടീം ഇനത്തിലും സുവർണ നേട്ടം കൈവരിച്ചു മാവേലിക്കര സ്വദേശിയായ യുവ ഡോക്ടർ. മാവേലിക്കര കല്ലുമല കനവ് ഡോ.ഷാജി മാത്യു വർഗീസിന്റെയും ജില്ലാ മെഡിക്കൽ ഓഫിസർ ഡോ.ജമുന വർഗീസിന്റെയും മകൻ ഡോ.മോഹിത് മാത്യു ആണു എയർ പിസ്റ്റൾ വിഭാഗത്തിൽ സ്വർണ മെഡൽ നേടിയത്.
ടീം ഇനത്തിൽ ഡോ.മോഹിത് ഉൾപ്പെട്ട തൃശൂർ ജില്ലാ ടീമും സ്വർണം നേടി. തൃശൂർ ജൂബിലി മിഷൻ മെഡിക്കൽ കോളജിൽ സർജനാണ്. തിരുവനന്തപുരം മെഡിക്കൽ കോളജിൽ എംബിബിഎസിനു പഠിക്കുന്ന സമയത്തു ഷൂട്ടിങ്ങിൽ താൽപര്യം തോന്നിയാണു പരിശീലനം നേടിയത്. നിലവിൽ തൃശൂർ ജില്ലാ റൈഫിൾ അസോസിയേഷൻ റേഞ്ചിലാണു പരിശീലനം നേടുന്നത്. ഭാര്യ: ഡോ.ബ്യൂല പോൾ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
