ADVERTISEMENT
Skip ads. Subscribe now.

ആലപ്പുഴ ∙ ദുർഘടമായ വഴികളും പ്രതികൂലമായ കാലാവസ്ഥയും മറികടന്നെത്തിയ എക്സൈസ് വകുപ്പിന്റെയും വിമുക്തി മിഷന്റെയും പതാക ഹിമാലയത്തിൽ ഇനി പാറിപ്പറക്കും. ആലപ്പുഴ എക്സൈസ് എൻഫോഴ്സ്മെന്റ് ആൻഡ് ആന്റി നർകോട്ടിക് സ്പെഷൽ സ്ക്വാഡിലെ പ്രിവന്റീവ് ഓഫിസർ (ഗ്രേഡ്) കെ.ജി. ഓംകാർനാഥാണ് ഹിമാലയത്തിൽ കേരള സംസ്ഥാന എക്സൈസ് വകുപ്പിന്റെയും വിമുക്തി മിഷന്റെയും കൊടി നാട്ടിയത്.

പ്രതിരോധ മന്ത്രാലയത്തിനു കീഴിൽ ഉത്തരകാശിയിലുള്ള നെഹ്റു ഇൻസ്റ്റിറ്റ്യൂട്ട് ഓഫ് മൗണ്ടനറിങ്ങിൽ നിന്ന് ബേസിക് കോഴ്സും തുടർന്ന് 28 ദിവസത്തെ അഡ്വാൻസ് മൗണ്ടനറിങ് കോഴ്സും പൂർത്തിയാക്കിയാണ് ഓംകാർ നാഥ് ഹിമാലയം കീഴടക്കാനെത്തിയത്. 10 പേർ ഉണ്ടായിരുന്ന ടീമിൽ ഓംകാർനാഥ് ഉൾപ്പെടെ 2 പേർക്കു മാത്രമാണ് ദൗത്യം പൂർത്തിയാക്കാൻ സാധിച്ചത്. ഹിമാചൽ പ്രദേശിലെ ഫ്രണ്ട്ഷിപ് പീക്ക് പീർ പഞ്ചലിലാണ് (5289 മീറ്റർ ഉയരത്തിൽ) കൊടി നാട്ടിയത്. ആലപ്പുഴ എക്സൈസ് ഡപ്യൂട്ടി കമ്മിഷണർ പി.കെ. ജയരാജിന്റെ കയ്യിൽ നിന്ന് ഏറ്റുവാങ്ങിയ പതാകയാണ് ഓംകാർനാഥ് ഇവിടെ നാട്ടിയത്.

English Summary:

K.G. Omkar Nath, an officer of the Alappuzha Excise Enforcement and Anti Narcotic Special Squad, achieved a remarkable feat by scaling the Himalayas and planting the flags of the Kerala State Excise Department and Vimukthi Mission. This accomplishment followed his completion of rigorous mountaineering courses at the prestigious Nehru Institute of Mountaineering in Uttarkashi.

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com