ആലപ്പുഴ ജില്ലയിൽ ഇന്ന് (18-11-2024); അറിയാൻ, ഓർക്കാൻ
Mail This Article
വൈദ്യുതി മുടക്കം
ആലപ്പുഴ ∙ പാതിരപ്പള്ളി സെക്‌ഷനിൽ എവർഷൈൻ, ഹോംകോ, മഞ്ഞില, എൻഎസ്എസ്, മാവേലിപുരം, ബാബു കയർ എന്നിവിടങ്ങളിൽ ഇന്ന് രാവിലെ 9 മുതൽ വൈകിട്ട് 6 വരെ വൈദ്യുതി മുടങ്ങും.
ആലപ്പുഴ ∙ കലവൂർ സെക്‌ഷനിൽ പൂന്തോപ്പ്, കാരിച്ചിറ മഠം എന്നിവിടങ്ങളിൽ ഇന്ന് രാവിലെ 9 മുതൽ വൈകിട്ട് 5 വരെ വൈദ്യുതി മുടങ്ങും.
മിനി ജോബ് ഡ്രൈവ് നാളെ
മാവേലിക്കര ∙ ടൗൺ എംപ്ലോയ്മെന്റ് എക്സ്ചേഞ്ചിലെ മോഡൽ കരിയർ സെന്റർ സംഘടിപ്പിക്കുന്ന മിനി ജോബ് ഡ്രൈവ് നാളെ ഐഎച്ച്ആർഡി കോളജിൽ നടക്കും. സ്വകാര്യ സ്ഥാപനങ്ങളിലെ മുന്നൂറോളം ഒഴിവുകളിലാണ് അവസരം. പ്ലസ്ടു, ഡിഗ്രി യോഗ്യതയുള്ള 20 – 45 പ്രായക്കാർക്കു പങ്കെടുക്കാം. രാവിലെ 9.30നു റിപ്പോർട്ട് ചെയ്യണം. ഫോൺ: 0479 2344301, 9526065246.
ഇൻസ്ട്രക്ടർ അഭിമുഖം
ചെങ്ങന്നൂർ ∙ ഗവ. ഐടിഐയിൽ വയർമാൻ, മെക്കാനിക്, കൺസ്യൂമബിൾ ഇലക്ട്രോണിക്സ് ആൻഡ് അപ്ലയൻസ്, ടെക്നിക്കൽ പവർ ഇലക്ട്രോണിക്സ് സിസ്റ്റംസ്, കംപ്യൂട്ടർ ഹാർഡ്‌വെയർ ആൻഡ് നെറ്റ്‌വർക്ക് മെയ്ന്റനൻസ്, ഹോർട്ടികൾച്ചർ ട്രേഡുകളിൽ ഒഴിവുള്ള ഓരോ ഇൻസ്ട്രക്ടർ തസ്തികയിലേക്കുള്ള അഭിമുഖം നാളെ രാവിലെ 11നു നടക്കും. ഫോൺ: 0479 2452210, 2953150.
ജനകീയ വികസന കൂട്ടായ്മയുടെ ഓഫിസ് തുറന്നു
തണ്ണീർമുക്കം ∙ ജനകീയ വികസന കൂട്ടായ്മയുടെ ഓഫിസ് മന്ത്രി പി.പ്രസാദ് ഉദ്ഘാടനം ചെയ്തു. ചെയർമാൻ സുബ്രഹ്മണ്യൻ മൂസത് അധ്യക്ഷത വഹിച്ചു. പഞ്ചായത്ത് പ്രസിഡന്റ് ജി.ശശികല മെംബർഷിപ് വിതരണം ഉദ്ഘാടനം ചെയ്തു. യു.എസ്.സജീവ്, വി.പി.ബിനു, എസ്.ശശിധരൻ, ഡോ.എ.ടി.ദിലീപ്കുമാർ, സഞ്ചയ്നാഥ്, ജോസ് വർഗീസ്, എൻ.വി.ഷാജി, വാരനാട് മോഹനൻ, പി.ജിഷമോൾ, ബേബി തോമസ്, സി.പി.ബോസ്‌ലാൽ, പി.കെ.ശശികുമാർ എന്നിവർ പ്രസംഗിച്ചു.
