കഴിക്കാം ഷെഫ് പിള്ളയുടെ നോൺ വെജ് ഓണസദ്യ; 2,476 രൂപ നിരക്ക്

ചെന്നൈ ∙ ഓണരുചികളുമായി ഷെഫ് പിള്ള നഗരത്തിലെത്തി. ഹോട്ടൽ ഹയാത്ത് റീജൻസിയിലെ സ്പൈസ് ഹാറ്റിലാണ് ഷെഫ് പിള്ള ബുഫെ ലഞ്ചും ഡിന്നറും ഒരുക്കുന്നത്. ഇന്ന് ഉച്ചയ്ക്ക് ബുഫെ ലഞ്ചും നാളെ ഉച്ചയ്ക്ക് വെജിറ്റേറിയൻ, നോൺ വെജിറ്റേറിയൻ സദ്യയും വിളമ്പും. ഡിന്നർ ഇന്നും നാളെയുമുണ്ട്. നികുതിയുൾപ്പെടെ 2,476 രൂപയാണു നിരക്ക്. നാളെ ഉച്ചയ്ക്കുള്ള നോൺ വെജ് പ്രീ ഓണസദ്യയ്ക്ക് 2,476 രൂപയും വെജിറ്റേറിയൻ ഓണസദ്യയ്ക്ക് 2,229 രൂപയുമാണ് നിരക്ക്. വൈകിട്ട് 7 മുതൽ 11 വരെയാണ് രാത്രി ഭക്ഷണം. ഓണസദ്യ ഉച്ചയ്ക്ക് 12 മുതൽ 3.30 വരെ 3 സ്ലോട്ടുകളായി വിളമ്പും. ഫോൺ: 9884369333.