പാർക്ക് സ്റ്റേഷനിൽ എംആർടിഎസ് ട്രെയിനുകൾക്ക് സ്റ്റോപ്പായി; യാത്രക്കാർക്ക് ആശ്വാസം
Mail This Article
×
ചെന്നൈ ∙ യാത്രക്കാരുടെ നെട്ടോട്ടത്തിനു ശമനമായി; പാർക്ക് സ്റ്റേഷനിൽ എംആർടിഎസ് ട്രെയിനുകൾ നിർത്തിത്തുടങ്ങി. ഒരു വർഷത്തിലേറെ നീണ്ട കാത്തിരിപ്പിനൊടുവിൽ ബീച്ച്–വേളാച്ചേരി എംആർടിഎസ് ട്രെയിൻ സർവീസ് ഒക്ടോബർ 29ന് പുനരാരംഭിച്ചെങ്കിലും പാർക്ക് സ്റ്റേഷനിൽ ട്രെയിനുകൾ നിർത്തിയിരുന്നില്ല. സ്റ്റേഷനിലെ നിർമാണങ്ങൾ തീരാത്തതായിരുന്നു കാരണം.
ഇതുമൂലം യാത്രക്കാർക്കുണ്ടാകുന്ന ദുരിതം ‘മലയാള മനോരമ’ ചൂണ്ടിക്കാട്ടിയതിനു പിന്നാലെയാണു റെയിൽവേ അടിയന്തര നടപടിയെടുത്തത്. വേളാച്ചേരി, തരമണി, തിരുവാൺമിയൂർ തുടങ്ങിയ ഭാഗങ്ങളിൽ നിന്നുള്ള യാത്രക്കാരെ നഗരത്തിലെ പ്രധാന കേന്ദ്രങ്ങളായ സെൻട്രൽ റെയിൽവേ സ്റ്റേഷൻ, സബേർബൻ സ്റ്റേഷൻ, ദക്ഷിണ റെയിൽവേ ആസ്ഥാനം, രാജീവ് ഗാന്ധി ജനറൽ ആശുപത്രി തുടങ്ങിയവയുമായി ബന്ധിപ്പിക്കുന്ന റെയിൽവേ സ്റ്റേഷനാണു പാർക്ക്.
English Summary:
Chennai commuters rejoice as MRTS train services finally resume at Park Station. The station, crucial for connecting south Chennai to central areas, had been skipped for over a year due to construction. This move comes as a relief for thousands relying on public transport.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
