പത്തടി പടവലം കൗതുകമായി

ചോറ്റാനിക്കര ∙ അടുക്കളത്തോട്ടത്തിൽ വിളഞ്ഞ 10 അടിയോളം നീളമുള്ള പടവലം കൗതുകമാകുന്നു. കുരീക്കാട് തട്ടാശ്ശേരിയിൽ ആലീസ് ജോസഫിന്റെ കൃഷിയിടത്തിലാണു നീളമുള്ള പടവലം വിളഞ്ഞത്. വീട്ടിലെ ആവശ്യങ്ങൾക്കായി 3 മാസം മുൻപ് നട്ട പടവലത്തിൽ 3 എണ്ണമാണു നീളത്തിൽ വിളഞ്ഞത്. സാധാരണ പടവലത്തിനേക്കാൾ നീളം വച്ചതോടെയാണ് ആലീസ് ഫോട്ടോയെടുത്തു കൃഷി വകുപ്പ് അധികൃതരെ കാണിച്ചത്. അപൂർവമായാണ് ഇത്രയും നീളമുള്ള പടവലം ഉണ്ടാകുന്നതെന്നു കൃഷി വകുപ്പ് അധികൃതർ പറഞ്ഞു.